नेपालमा यसै त पुरुषको भन्दा महिलाको जनसख्या बढी छ । साँच्चे भन्ने हो भने एक पुरुशले एक महिलालाई विवाह गर्ने हो भने धेरै महिलाहरु बुढीकन्या भएरै बस्नु पर्ने अबस्था छ दोस्रो विहे गर्यो भने पनि कानुनी सजाय भोग्नु पर्छ । यतीखेर कोमल वलीको चर्चा छ बजारमा । उनि बुढीकन्या भैसकेकि छीन तर आफुले चाहेजस्तो लोग्ने उनलाई जुरेको छैन । महिलाहरुको महान चाडको मौका छोपेर उनले पोइला जान पाम् भन्दै शिव भगवानलाई गुहार्दै सडक गल्ली जताततै भजन गाउँदै हिंडेकी छिन । कोमल वली जस्ती शिक्षीत , आत्मनिर्भर युवतीले लोग्नेको लागी यसरी लोकगीतको सहारा लिएर विज्ञापन गरेको देख्दा उनलाई छिटै लोग्ने मिलोस भन्ने देवदासले प्रार्थना गरेको थियो । कमसेकम यसपाली उनको विहे भयो भने अर्को तिजमा नेपाली महिलाहरुले इज्जतका साथ पशुपतीको दर्शन गर्ने थिएकी भन्ने देवदासको सोचाई थियो तर अफसोच आज देवदासले यौटा फोटो देखेपछी भने कोमल वलीको बिहेको चान्स अलीकती भएपनि घटेको हो कि जस्तो लाग्यो । कुरा के भने यसै त महिला भन्दा पुरुश बढी भएको हाम्रो देशमा आज काठमाण्डोको लाजिम्पाटमा केटाले केटासँगै विवाह गरेको समाचार देखेँ । यदी ति दुइ युवकले केटीसँग विवाह गरेको भए कमसेकम अरु दुइजना युवतीले लोग्ने त पाउँथे । आज भएको केटै केटाको विवाहले गर्दा दुइजना केटिले लोग्ने नपाउने भए कतै यि दुइजना लोग्ने नपाउने युवतीहरुमा कोमल ओली पर्ने त हैनन ?
यो पनि हेर्नुहोला –कोमल वलीले ‘पोइल जानु’ ठीक कि बेठीक

काट्नको लागी तयार पारीएको मान्छे
केहि दिन देखी इमेल आतंक बढेको छ मेरो इमेल ठेगानामा । चिन्नु न जान्नुका इमेलहरु को बाढी लागेको छ । कहिले डिभी लोटरी पर्यो भनेर आउँछ त कहिले विबाहको प्रस्ताव आउँछ । कहिले साझेदारी ब्यापारको लागी त कहिले मिलीएन डलर जितेको हँदा उक्त रकम कहाँ पठाउँ भनेर सोध्छ । यस्ता मेलहरुलाइ जती पाखा लगाउन खोज्यो झन झन बढी आउँछन । स्पाममा पठाउँदा पनि ब्लक गर्दा पनि आउन छोड्दैन । पहिला याहुमा धेरै आएको हँदा जीमेल खोलें जीमेलमा त त्यो भन्दा पनि झन पो धेरै आउन थाले । ब्यस्त भएको बेला इमेल मात्र चेक गनुपर्यो भनेर कम्प्युटरमा बस्यो भने इनबक्समा असंख्य मेल देखाउँछ र भित्र गएर हेर्यो एउटै कामलाग्ने हुदैन । यस्तै मेला आतंकको विचमा आएको यौटा मेलका केहि फोटाहरुलाइ यहाँ राखेको छु । एउटा मान्छेको सम्पूर्ण भित्री अंगहरु काटेर देखाएको हुँदा पहिला त आँफैलाइ डर लाग्यो । यो फोटोमा देखाइएको मान्छेलाइ के प्रयोजनको लागी काटीएको हो त्यो त थाहा छैन मलाई तर हाम्रो सरीरका भित्रीअंगहरुलाइ हेर्ने रहर छ भने यी फोटोहरु हेरेपछी पुरा हुन्छ । यदी डर लाग्छ भने भित्र नछिर्नु नै जाती होला । (more…)

आइतबार असार ३२
अपडेट - रत्नपार्कमा यो फोटो छापीएको भोलीपल्ट अर्थात आज आइतबार उक्त गल्ती सच्याइएको छ । देवदास
शनिबार असार ३१
तपाँइ विश्वास गर्न सक्नुहुन्छ माओबादी अध्यक्ष प्रचण्ड राजाको जन्मदिनको उपलक्षमा शुभकामना दिन राजदरवार गएका थिए ? र रामचन्द्र चाँही उक्त अबसरमा झाँकी लिएर प्रस्तुत भएका थिए ? नपत्याएर के गर्नु हिमाल खबर डटकमले लेखेअनुसार यो साँचो हो । नपत्याए तलका दुइ फोटोमा क्लिक गरेर हिमाल खबरको साइटमा गएर हेर्नुहोला ।

प्रस्तुत दुइ तश्वीरहरु मीन बज्राचार्य ले खिच्नुभएको हो हिमाल खबरको लागी तर फोटोको बारेमा लेखीए अनुसार पहिलो फोटो अर्थात प्रचण्डको फोटोमा चाँही राजाको जन्मोत्सवमा शुभ कामना व्यक्त गर्न नारायणहिटि राजदरवार पुगेका मानिसहरु भनेर लेखिएको छ र दोस्रो रामचन्द्र पौडेलको फोटोलाइ चाँही राजाको जन्मोत्सवमा शुभ कामना व्यक्त गर्न नारायणहिटि राजदरवार अगाडी झाँकी भनेर लेखिएको छ । हिमालखबर डटकम जस्तो प्रतिष्ठीत र तथ्यपूर्ण समचार संप्रेशण गर्ने मिडीयाले गरेको यस्तो गल्ती लाई पाठकहरुले के भनेर सोच्ने ?

शुक्रबार २३ असार
केहीबर्ष पहिले सम्म शुक्रबार आयोकि गुड फ्राइडे भनिन्थ्यो । त्यतीबेला स्कुल पढ्दा आधा दिनमै छुट्टी हुनेभएर हो कि भोली शनिबार स्कुल जानु पर्दैन तर्सथ शुक्रबार राती अबेलासम्म टिभी हेर्न पाइने भएर हो शुक्रबार आयो कि खुसी लाग्थ्यो । रेडीयो एफ एम तिर पनि गुड फ्राइडेका खुबै कुरा हुन्थे ।तर जब राजदरबार हत्याकाण्ड भयो तब गुड फ्राइडे ब्याड फ्राइडेमा परिवर्तन भयो । त्यसबेला देखी नेपालीको लागी हरेक शुक्रबार अशुभ हुँदै आइरहेको छ । सारा नेपालीको लागी अशुभ बार भएपनि त्यही दरबारमा बसेका माइला दाइलाइ भने खुबै फापेको छ अर्थान उनको लागी सबै फ्राइडेहरु गुड हँदै आइरहेका छन मात्र पछिल्लो पटक दुइओटा फ्राइडेले धोका दियो (अब कति शुक्रबार ब्याड हुनेहुन गन्दै गर्नुहोला ) । ब्लगर उमेशको भनाइमा आजपनि त्यही ‘कुख्यात शुक्रबार’ हो तर यसपालीको शुक्रबारले पनि खासै फाइदा देला जस्तो छैन । आज शुक्रबार अर्थात माइला दाइको जन्मदिन तर पोहोर परार जस्तो यसपाली कतै चर्चा परिचर्चा छैन उनको । हुदा हुदा उनको जन्मदिनसँग नेपाली जनताको कुनै सरोकार नभएको हुदा दिंदैआएको सरकारी बिदा पनि यसपालीदेखी कटौती गरिएको छ । जनताले त वास्ता गरेनन् गरेनन् नेताहरुपनि यसपाली देखी शुभकामना दिन दरबार नजाने बरु पत्र पठाउने भएका छन । म त त्यो पत्रको आबश्यकता पनि देख्दीन, के पठाउनै पर्छ र ? मलाइ पनि माइलादाइको जन्मदिनको उपलक्षमा केहि पठाउन मन लागेको त थियो तर उनको हात सम्म नपुग्ने देखेर यही रत्नपार्कबाट एक नेपालीले तयार पारेको एउटा कार्टून यहाँ प्रस्तुत गरेको छु । कार्टूनमा माइलादाइको जन्मदिनको दिन उनकी स्व. भतीजी श्रुतिले एउटा बर्थडे केक दिँदा केक पड्कीएर माइलादाइको अनुहार कसैलाइ देखाउनै नमिल्ने हुन्छ । केक दिउनजेल सम्मको संवाद र केक पड्कीएपछी को श्रुतिको भनाइ हेर्ने हो भने यहाँ प्रस्तुत गरेको कार्टूनमा लेखिएको प्ले वटनमा क्लिक गर्नुहोला र हेर्नुहोला माइलादाइको जन्मदिनको केकले कसरी गुड फ्राइडेलाइ ब्याड फ्राइडे बनाउँछ भन्ने

अगाडी बाट हेर्दा उनि साधारण मान्छे देखिन्छन तर पछाडी बाट हेर्दा सबैले हनुमान भन्छन । कसैले उनलाइ प्रंकृतीको गडबडी भन्छन त कसैले भगवानको देन । पश्चिम बंगालको उत्तरी भाग जलपाइगुडीको बानरहाट क्षेत्रको गेन्दापाडा चिया बगानमा काम गर्ने मजदुर चन्द्र उरावको चर्चा दिनदीनै बढ्दै छ उनको तेह्र इन्च लामो पुच्छरको कारणले गर्दा । आजभन्दा सत्ताइस बर्षअगाडी राम नवमीको दिन जन्मेका चन्द्रलाइ पुच्छरले फाइदाको साथसाथै बेफाइदा पनि दिएको छ । उनि भन्छन ‘उनको पुच्छर छोएर जस्ले भाकल गर्छ उस्को भाकल पनि पुरा हुन्छ र रोगीहरु ठिक पनि हुन्छन’ । यहि भनाइका कारण उनको दर्शन गर्ने मान्छेहरु दिनदिनै बढ्दै गइरहेका छन । उनि आफ्नो काम सकेर घर फर्केपछी भक्तजनहरुको इच्छा पुरागर्न पुच्छर तेर्साएर बस्छन र अरुबेला चाँही पुच्छरलाइ पाइन्ट भित्र राख्छन । यसले उनलाइ आम्दानी त भएको छ तर दुखको कुरा यहि पुच्छरको कारणले बीसजना भन्दा बढी युवतीहरुले उनको बिबाहको प्रस्तावलाइ लत्याइदिएका छन । उनको भनाइ अनुसार ‘यदी कोहि केटीले म सँग पुच्छर सहित बिबाह गर्न राजी हुन्छ भने मात्र म बिहे गर्छु हैन भने आजीवन हनुमानझै अविवाहीत नै बस्छु ।’ स्थानीय चिकित्सकका अनुसार उनको पुच्छरको बारेमा पूर्ण जाँच गरेर यसलाई काट्नुनै उपयुक्त हुने जानकारी गराए पनि चन्द्रले चाँही कुनै पनि हालतमा आफ्नो पुच्छर नकाट्नै अठोट गरेका छन । काटुन पनि कसरी त , सुनको अण्डा पार्ने कुखुरीलाई कस्ले पो काटेर मासु खाला र , कि कसो ? म यसो बिचार गर्छु हाम्रा नेताहरुको पनि यस्तै पुच्छर भए जब जब गलत काम गर्न थाल्दथे त्यतीबेला उनिहरुको पुच्छर तान्नु हुन्थ्यो कि कसो ?

जनताहरु जलस्रोत मन्त्री को खोजीमा छन तर जलस्रोत मन्त्री कहाँ छन के गर्दै छन केहि थाहा छैन । असारको पन्ध्र हुन लागीसक्यो पानीको कुनै अत्तोपतो छैन । रोपाइ गर्न ढिला भइसक्यो तर पानी बिना कसरी रोपाई गर्ने ? त्यै भएर जनताहरु जलस्रोत मन्त्रीको पुजा अर्चना गरी फकाउन थालेका छन । नझुक्कीनु होला मैले नेपाल सरकारका जलस्रोत मन्त्री चित्रलेखा यादबाको कुरा गरेको हैन मैलेत सारा पृथ्वी सन्चालन गरीरहेका देवलोकका जलस्रोत मन्त्री महादेव इन्द्र को कुरा गरेको हो । देवताहरुको मन्त्रालयको बाँडफाँडको क्रममा उनलाइ जलस्रोत मन्त्रालय परेको छ तर्सथ हाम्रो धर्मग्रन्थअनुसार पानी पार्ने नपार्ने जिम्मा उनै इन्द्रको हो रे । असारको दस गते भैसक्यो रोपाइँ गर्न ढिला भइसक्यो तर इन्द्रजीले चाँही पानी पार्ने छाँटकाँट नगरेपछि कैलालीका जनताहरु इन्द्रको पुजा गरी इन्द्रलाई फकाउन तिर लागेका छन । आजको स्वतन्त्र समाचार सेवाले “पानीका लागि इन्द्रलाई खुशी पार्न प्रयास”
शिर्षकमा लेखेको समाचार अनुसार “असार पन्ध्र लाग्न लाग्दा पनि बर्षातको कुनै सुरसार नदेखेपछि कैलाली र कञ्चनपुरका किसानहरु अहिले वषर्ाका देवता इन्द्रलाई खुशी पार्ने प्रयासमा लागेका छन् ।सम्भावित खडेरी प्रति त्रस्त देखिएका किसानहरु बर्षातका देवता इन्द्रको मूर्ति बनाई टोलटोल घुमाइराखेका छन् । “हरहर महादेव पानी पारिदेऊ” भन्दै गाउँ परिक्रमा गर्दा भगवान प्रशन्न भएर बर्षा हुने धार्मिक विश्वास रहेको त्रिभुवनबस्ती ५ कन्चनपुरका स्थानीय बासिन्दाहरु बताउँछन् । यसैगरी सोही गाविसको ३ नम्बरका स्थानीय कृषकहरुले एक जोडी भ्यागुतोको विवाह गराएर पानी मागेका छन् ।कैलालीको चौमाला-३का स्थानीय कृषकहरु राती-राती १५-२०को समूहमा घरघर गई पानी माग्ने परम्पारालाई निरन्तरता दिईरहेका छन् । शरिर निर्वस्त्र पारेर घरको आँगनमा लडीबुडी गर्दै पानी-पानी भन्दै पानी माग्नाले देउता खुशी भई पानी पारिदिन्छन् भन्ने उनीहरुको विश्वास रही आएको छ ।कैलालीका आदिवासी थारु समुदायहरुले खेत जोत्ने हलो जुवालाई खेतमा ठाडो पारेर गाडी पानि मागीरहेकाछन् । बर्षातको अभावको कारण धानको बीउ सुक्दै गइरहेको,पेट्रोलियम पदार्थको मूल्य वृद्धिको कारण मेशिनबाट पनि रोपाई र सिँचाई गर्न नसकिने भएकोले आफूहरु निकै मर्कामा परेको स्थानीय किसानहरु बताउँछन् ।”

मस्त निन्द्रामा थिएँ अचानक मोबाइलको घण्टी बज्यो । रिसले चुर हुँदै मोबाइल उठाएको मात्र के थिंए उता बाट आवाज आयो ।
-हेलो देव , म त बर्बाद भएं नि
-तँ के को बर्बाद हुन्छस , बर्बाद त म पो भएँ , बल्ल बल्ल निदाएको मात्र थिंए तैले फेरी उठाइस । तँ किन सँधै कुबेलामा मात्र फोन गर्छस यार ?
-मेरो कुरा सुन न यार आज पीसाब फेर्दा फेर्दै चारहजार चुना लाग्यो यार
-मलाइ हाँसो उठ्यो र सोधें , पीसाब फेर्दा पकेट मार्यो कि के हो ?
-हैन पीसाब फेरेकै चार हजार तीर्नु पर्यो यार
मलाइ अचम्म लाग्यो र उत्सुक हँदै सोधें ” हैन तँ कुन देशमा छस हँ यतीबेला र एकपटक पीसाब फेरेको चारहजार तीरीस ? ”
-नजिस्की न यार आइ एम सिरीयस । साँच्चै हो क्या ।
के साँच्चै हो ? एक पटक पीसाब फेरेको चार हजार ?
हो क्या हो , भर्खरै त तीरेर आउँदै छु ।
अनि मलाइ साह्रै रिस उठ्यो उस्को कुरा सुनेर र भनें “तँ किन काम पाउँदैनस यार यो मध्यराती फोन गरेर किन डिर्स्र्टब गर्छस ? कहाँ जाँड पिएर बसेको छस ? जा कोठामा गएर सुत , म सुतें, म भोली फ्रेस मुडमा कुरा गर्छु । यती भन्दै रिसले मैले मोबाइलको स्विच अफ गरेर सुतें ।
यो देवदास सँग उस्को एक साथीले फोनमा गरेको संवाद थियो । र केहि दीन सम्म उक्त साथीसँग कुनै सर्म्पर्क भएन । आज देवदासको पोष्ट बक्समा एउटा पत्रिका आएको रहेछ र पठाउने पनि त्यहि साथी थियो जो पीसाब फेरेको चार हजार तिरें भन्दै फोन गर्ने । पत्रीका सरर्सर्ती हेरें केहि त्यस्तो देखीन र एउटा कुनाम फ्रयाँकिदिएँ । केहि बेर पछी देवदासकै अर्को साथीले उक्त पत्रीका हेरेर पेट मीची मीची हाँस्न थाल्यो र भन्यो एकपटक पिसाब फेरेको चार हजार ? साथीले उक्त समाचार त्यही पत्रीका बाट पढेर सुनायो र मैले पनि हेरें नभन्दै हो पो रहेछ । केहि दिन अघी साथीले फोनमा भनेको उक्त कुरा त साँचो पो रहेछ । मैले बिश्वास नगरेको भएर उस्ले त प्रमाणको रुपमा उक्त पत्रीका पठाएको रहेछ ।
कुरा के रहेछ भने खाडी मुलुक कतारको राजधानी दोहा मा जहाँपायो त्यहाँ पीसाब फेरेको देखेर दुइसय भन्दा बढी नेपालीलाइ पुलीसले समाएर कतारी पैसा (रियाल) दुइसय जरिवान तिराँउदै छोड्दै गरेछन । यही समुहमा उक्त साथी पनि परेछ । कतार बाट प्रकाशन हुने राजधानी साप्ताहीकमा यो समाचार छापीएको रहेछ । समाचारका अनुसार रेष्टुरेन्ट र पसलहरुमा प्राय ट्वाइलेट नहुने हुँदा र मस्जीद बाहेक अन्यत्र र्सार्वजनिक शौचालय नभएको हुँदा नेपालीहरुले एकान्त कुनाहरुमा पीसाब फेर्ने गर्दारहेछन । कट्टर मुस्लीम कानुन भएको देश कतारमा नियम तोड्नु भनेको पाप गर्नु जस्तै हो । जहाँ पायो त्यही फोहोर फाल्न, थुक्न, ट्ाफीक नियमहरु तोड्नु भनेको कतारको कानुन उल्लङघन गर्नु हो तर्सथ निसेधित स्थानमा थुकेमा अथवा फोहोर फालेमा एक सय रियाल (दूइ हजार नेपाली) , पीसाब फेरेको दुइ सए रियाल (चारहजार नेपाली) , र ट्राफीक सिङनल तोडेमा दुइ हजार रियाल (चालीस हजार नेपाली) तिर्नु पर्ने रहेछ । समाचार पढेपछी मैले उक्त साथीलाइ पुन फोन गरें र सोधें
-तैंले पोहोर साल गाउँमा शौचालय बनाएँ भन्थिस नि कती लागत लागेको थियो ?
-किन ? तलाइ किन चाहीयो जतीमा बनाएपनि ? लगभग दुइ हजार लागेको थियो ।
फेरी सोधें - “पुरा शौचालय बनाउन चाँही दुइ हजार खर्च गर्ने तर एक पटक पिसाब फेरेको चाँही चार हजार यो त हजम भएननि ? ”
उस्को जवाफ थियो , “तेरो जस्तो हो र रत्नपार्कमा पिसाब फेरेर एक रुपैंया पनि नतीरी लुसुक्क निस्किएर हिंड्ने ? ठुला मान्छेका ठुलै कुरा हुन्छन बुझिस् ?

मैले बुँझेँ पनि भनिन र बुझिन पनि भनिन किनकी अब भन्ने पालो उस्को थियो ।

केही वर्षपहिले नेपालको एक दुर्गम गाउँबाट अकस्मात भुमीगत भएकी देवदासकी प्रेमीका कृष्टीले आज अचानक देवदासलाइ एक पत्र पठाएकी छिन । उक्त पत्रलाइ देवदासले जस्ताको तस्तै रत्नपार्कमा र्सार्वजनीक गरेको छ । माफ गर है कृष्टि तिम्रो पत्र र्सार्वजनीक गरेकोमा - देवदास !

डीयर देव उर्फ देवदास

ह्रयाप्पी भ्यालेन्टाइन्स डे ।
यु नो हु आइ एम ? -आफकोर्स आइ एम वन एण्ड वन्ली कृष्टी उर्फ कृष्टिना । धेरै बर्षपहिले त्यो गाँउबाट अचानक भुमीगत भएकी म आज यो पत्र मार्फत र्सार्वजनीक हुँदैछु । तिमीले त्यतीबेला सोच्यौहोला म कि त मरें कि त माओवादीमा गएँ भनेर तर कुरो त्यस्तो थिएन । मैले त्यतीबेला गाउमा घुम्न आयको एउटा खैरे को सहयता ले गाँउलाइ मात्रै विदाइ गरेको हैन देशैलाइ बिदाइ गरेर अमेरिका तिर लम्कीएकी थिँए कसैलाइ जानकारी नदीइ । अमेरीका प्रवेश पश्चात म कृष्टी बाट कृष्टीनामा परिवर्तन भएँ । त्यसपछि बिस्तारै गाइबाख्रा चराउने , घाँस दाउरा खोज्ने कार्यबाट बिस्तारै परिवर्तन भएर गुगलमा सयर गर्ने अनि माउस र किबार्डको सहायताले संसार घुम्न थालें । नाउ आइ एम कम्प्लीट्ली सेटल इन अमेरीका एण्ड दिस इज गुड न्युज द्याट आइ ह्यभ गट अमेरीकन सीटीजनसिप । मैले अब नेपालसँगका सम्पूर्ण नाताहरुलाइ तोडीसकेकि छु । अब मेरो लागी जन्मथलो भनेपनि कर्मथलो भनेपनि अमेरीका नै हो , नेपाल त्रि्रा लागी हो ।तिम्रो देश तिमीलाइ बधाइ होस । अनि के छ त तिम्रो हालखबर आजभोली ? मैले त तिमीसँग जिन्दगी भर अब भेट नहोला भन्ठानेकी थिँए तर गुगलले संसारलाइ साह्रै साने बनाइदिएको हुँदा यती बर्षपछि आज आएर तिमीलाइ भेट्टाएँ । गुगलमा घुम्दैजाँदा नेपाली ब्लगरहरुको सुचीमा देवदासको ब्लग भन्ने देखें र को रहेछ देवदास भनेर रत्नपार्कमा छिरेर ब्लग हेरेको त तिम्रो फोटो देखेपछि म त तिनछक परें । गाउँलाइ छोडेर तिमी पनि काठमाण्डौतिर सिफ्ट भएछौ । हलो को अनौ समात्ने हातहरुले माउस र गाइभैंसीको गोवर सोहोर्ने हातहरुलाइ किबोर्ड माथी नचाउन थालेछौ । बधाइ छ त्यो गाउँबाट निस्किएर रत्नपार्कमा डेरा जमाएकोमा । मैले तिम्रो गाउँ कस्तो भयोहोला भनेर धेरै पटक गुगलको स्याटलाइट म्याप नहेरेको पनि हैन तर पुसको हुस्सु लागेजस्तो तिम्रो गाउँको नक्सा गुगलले पनि धमीलो देखायो । तिमीले बिवाह गर्यौ कि गरेका छैनौ -आफ्नो नाम देव बाट देवदास बनाएछौ , पक्कै पनि कसैले धोका दिएर यसो गरेको हुनुपर्छ । आजभोली म प्राय रत्नपार्कमा आउने गर्छु ठिकै छ तिम्रो ब्लग तर यदी ब्लगिंग नै गर्ने भए अंग्रेजीमा गर न यार हु अन्डरस्ट्यण्ड योर नेपाली युनिकोड -दिस इज ट्वान्टी फस्ट सेन्चुरी यार नट द सेभेन्टिन । यस पालीको चुनाब कस्तो भयो त तिम्रो गाउँमा - माख्लाघरे जड्याहा साइलो , डाँडाबारीको त्यो कुखुराचोर हर्के अनि पीपलबोटे लाटो निर्विरोध निर्वाचीत भए भन्ने हल्ला सुनेको थिंए , के साँचो हो ? अनि पल्ला गाउँको अन्तरेले आफ्नो त्यो बुढो भोटे कुकुरलाइ वडा अध्यक्षमा र बिरालो अनि कुखुरालाइ सदस्यमा उठाएको थियो रे के भयो ? तीनिहरुले जिते कि जितेनन् ? हिजोआज दिनैपिच्छे समाचारमा तिम्रो देशमा प्रजातन्त्र प्राप्तीको लागी भन्दै आन्दोलन गरेको सुन्छु समाचार हरुमा आखीर कस्तो प्रजातन्त्र चाहीएको हो तीमीहरुलाइ -जनवार र मान्छेलाइ समान ब्यबहार हुन लागीसकेछ नेपालमा अब यो भन्दा राम्रो प्रजातन्त्र कस्तो हुन्छ त अनि तिम्रो राजाको काम पनि गजबको छ यार , कि त माहुरीको घारमा हातै नहाल्नु ,कि त हात हाली सकेपछी सम्पूर्ण रस र चाका एकैपटकमा खानुनी । के बिरालो ले मुसा खेलाए जस्तो गरेको । राजा हुनु त हाम्रो जस्तो पो त , तिमीलाइ थाहा छ लादेनलाइ मार्ने भनेर अफगानीस्तान लाइ ध्वस्त बनाइदियो , आणवीक हतियार लुकाएको भनेर इराक लाइ धुलो बनाइदियो तर आज सम्म नत लादेनलाइ मार्यो न त इराकमा आणविक हतियार नै भेट्टायो तर हाम्रो राजाले जे चाहेको थियो त्यो पुरा भइसक्यो । अनि जंगलका दाजु हरु पनि आजभोली त बहुत अन्तर्वार्ता दिंदै हिंड्न थालेका छन । अस्ती बी बी सी मा इन्र्टर्भ्यु हेरेकि थिंए तर मैले त केहि पनि बुझ्न सकिन । अङ्रेजीमा प्रश्न सोधेर नेपालीमा उत्तर दिएको देख्दा अचम्म लाग्यो । इफ हि क्यान नट अन्डर्स्याण्ड इंगलीस हाउ हि क्यान रिप्लाइ यार ? अनि त्यो नेपाली बोलेर कस्लाइ सुनाएको हो को नि ? त्यो बी बी सी इंलीसका पत्रकारहरुले नेपाली भाष बुझ्दा रहेछन कि केहो - गजबको कुरा त यो लाग्यो कि नेपाली पत्रकार हरुलाइ दिएको अन्तर्वार्ता चाँहि अंग्रेजीमा प्रकाशन भएको छ फेरी अंग्रेजहरुलाइ दिएको चाँहि नेपालीमा , आखीर यो सब के नाटक गर्छन यार तिम्रो दाजुहरुले - अंग्रेजी मा दिएपनि नेपालीमा दिएपनि तिम्रो दाजुहरुको डाइलग चाही मलाइ बहुत मन पर्यो । कहिले उनिहरु खलाँस पार्ने भन्छन , कहिले एक फिट छोट्याइदिने त कहिले ढाडमा टेकेर टाउकोमा हान्ने भन्छन । पक्कै तिम्रो दाइहरुमा हिन्दी फिल्मको छाप बसेको हुनुपर्छ यार , काम जस्तो भएपनि यस्तै डाइलग भन्दै गएभने त डाइलग लेखनमा भारतका कादरखान लाइ पनि छेउ लगाउँछन , कि कसो - फेरी राजालाइ त जन अदालतमा उभ्याउने भन्न थालेछन नि त , हन यो कहाँ छ यार नेपालमा जन अदालत - कि साही आयोग बदर भएपछि कमल थापाले सर्वोच्च देखी रिसाएर अर्को जनअदालत भन्ने बेग्लै अदालत खोले - ? oh माइ गड देवदास , इट्स सो लगं लेटर यार , क्यान यु रिड इट अर नट - ?इफ यु रिड दिस प्लिज रिप्लाइ मी ओ के ?- लौ त देवदास मैले पहिलो पत्रमा पोलीटिक्सको कुरा धेरै गरें बट आइ डन्ट नो यु लाइक पोलीटिक्स अर नट ?- ओ के टेक कियर , सि यु अन नेक्स्ट लेटर
कृष्टी उर्फ कृष्टीना
फ्रम अमेरिका

पोखरा, माघ ९/ शाही सत्ताले नगरपालिका चुनाव निकट आइसक्दा पनि आफ्नो उम्मेदवार पाएको छैन, तर जनताले भने पोखरामा आफ्नो तर्फाट कुकुर उम्मेदवार खडा गरेर प्रचारप्रसार सुरु गरिसकेका छन । ‘म यसपटकको उम्मेदवार भएको छु, मलाई भोट दिनोस्’ भनेर लेखेको कागज कुकुरको छातीमा टा“सेर कुकुरलाई बजार घुमाइन थालिएको छ । यो ढंगको प्रचारले चुनाव ब्यंग्य भएको मात्र छैन, बजारवासीलाई यसले राम्रै मनोरञ्जन पनि दिएको छ ।

मान्छे नजीक बाट जस्तो देखिन्छ टाढाबाटपनि त्यस्तै देखिन्छ भन्ने छैन । हात्तीका देखाउने र चपाउने दुइओटा दाँत हुन्छ भनेजस्तै मान्छेपनि नजीक पर्दा एउटा रुप देखाउँछन र टाढा भएपछी अर्कै रुप देखाउँछन । कसैका सामु उस्को प्रशंसा गर्ने र केही पर पुगेपछी उसैको कुरा काट्ने काम आजभोली जताततै पाइन्छ । प्रस्तुत तस्विर पनि त्यसैको उपज हो भन्दा फरक पर्दैन । हुन त यो तस्विर एउटा दृष्टी भ्रम मात्र हो । दुइटै तस्विर एउटै अनुहारका छन तर नजीक बाट हेदा बाँया तीरको रिसाएको जस्तो देखिन्छ र दाँया तिरको सान्त मुद्रामा देखिन्छ तर त्यही तस्विरलाइ आठ दस फीटको दुरीमा गएर हेर्ने हो भने ठिक उल्टो परिणाम देखिन्छ । दस फिटको दुरी बाट हेदा अब यो तस्विर बाँया तिरको सान्त मुद्रामा आँउछ र दाँया तिरको रिसाएको देखिन्छ । तपाँइ पनि एक पटक प्रयोग गरेर हेर्नुस यो तस्विर र मान्छेको चरित्रमा कती मेल खान्छ ?

पाँच सय बर्षदेखी रहस्यको गर्भमा रहेको लियो नार्दो दा विंची को कृती मोनालिसा को मुस्कानको बारेमा धेरै कुरा भए र हुदै छन अझैपनि । मान्छेहरु भन्नेगर्थे यदी आफु खुसी भएको बेलामा हेर्यो भने मोनालीसकाको तस्विर मुस्कुराएको देखिन्छ , यदी आफु दुखी भएको बेलामा हेर्यो भने उक्त तस्विर रिसाएको जस्तो देखीन्छ भनेर । तर्सथ मोनालीसाको मुस्कानको बारेमा हर समय चर्चा परिचर्चा भइनै रहेका छन । भर्खरै नेदरलैण्डका एम्र्सर्टडम विश्वविद्यालयका नीसु सीबी नामक वैज्ञानिकले मोनालीसको मुस्कानको बारेमा अध्ययन गरेर एक रिर्पोट प्रकाशन गरेका छन जस्लाइ भर्खरै बिज्ञान पत्रीका सन ले प्रकाशन गरेको छ र न्यु साइन्टीस्ट डटकमले यो समाचार आज प्रकाशन गरेको छ । बैज्ञानीक सीबी ले मोनालीसको मुस्कानको रहस्यको कारण पत्ता लगाउन एक विशेष सफ्‍टवेयर को प्रयोग गरे जुन सफ्टवेयर अनुहारको भाव जान्नको लागी बनाइएको थियो । उनले धेरै युवतिहरुको अनुहार बाट निस्कीएको भावलाइ जम्मा गरेर एक औषत अनुहारको खाका बनाए अनि कम्प्युटर द्दारा मोनालीसाको अनुहार लाइ औषत अनुहार सँग मीसाउँदा उनले पाए कि मोनालीसा साह्रै नै खुसी छिन । उनको खुसीलाइ प्रतीशतमा हेदा यो आँकडा देखीदो रहेछ ।
खुसी ८३ प्रतिशत
वितृष्णा ९ प्रतिशत
भय ६ प्रतिशत
रिस २ प्रतिशत

एउटा हिन्दी फिल्ममा अभिनेता नाना पाटेकर उफ्री उफ्री गीत गाँउथे “एक मच्छर आदमीको हिंजडा बनादेता हे” भनेर , अहिले जापानको एक सेक्युरिटीज कम्पनिलाइ पनि त्यस्तै भएको छ । एउटा शब्द गलत टाइप गर्नाले दूइमिनेट भित्र बाइस करोड डलर गुमाउनु परेको छ । कस्तो अभागी होला त्यो कि बोर्ड जुन कि बोर्डमा त्यो उल्टो शब्द टाइप भयो ? अनि कस्तो अभागी होला त्यो टाइप गर्ने मान्छे जस्का हातबाट टाइप भएको एउटा शब्दको कारणले कम्पनिले बाइस करोड डलर नोक्सान सहनु पर्यो ? कुरा के भने जापानको मिजुहो सेक्युरिटीज नामक एक कम्पनिले १ ऐन (जापनी मुद्रा) मा ६१०,०००शेयर बेचिदीयो तर बेच्नुपर्ने चाँही ६१०,०००ऐन मा एक शेयर थियो । ऐनको ठाँउमा शेयर र शेयरको ठाँउमा ऐन लेख्नाले यो घट्ना घट्न पुग्यो । टाइपमा गल्ती भएको कुरा सो कम्पनिले दूइमिनेट भित्र नै थाहापायो तर अनलाइनमा बसेका शेयर क्रेताहरुले उस्को शेयर किन्न थालीसकेका थिए । केहि समय सम्म् आफ्नो गल्ती नस्विकार्ने उक्त कम्पनिले अब उक्त शेयर सकेसम्म सस्तो मोलमा किन्ने कोशिस गरिरहेको छ तथापी बाइस करोड डलर त चुना लागी हाल्यो । यो घटनालाइ लीएर सरकारले पनि जाँच सुरुगरेको छ कि शेयर मार्केटको कम्प्युटरले यस्तो भुल लाइ तत्काल किन पत्ता लगाउन सकेन ?तर जे हुनु भइहाल्यो अब तपाँइनै हिसाब गर्नुस बाइस करोड डलर भनेको कती रुपैंया हो त ? देवदासलाई चाँहि यो करोड अरबको हिसाब गर्न त्यती आँउदैन ।

दक्षिण अमेरीकी देश एल साल्वाडोरमा बैकमा चोर्न गएका दुइ चोरलाइ त्यहाँको पुलीसले बैंक प्रवेश गर्नु पहिलेनै समाते तर गजब के लाग्यो भने ति दुइ चोरले शरिरमा कुनै कपडा लगाएका थिएनन् । सुरुगं खनेर बैकमा जानको लागी लामो समय देखी प्रयत्नरत यी दुइ चोर सुरुगंको माथिल्लो भाग भास्सिनाले गर्दा उनिहरु त्यहिँबाट भाग्न बाध्य भएका थिए । सुरुगं भित्र अत्यधिक गर्मिका कारण यी दुइ चोर पुरै कपडा खोलेर सुरुगं खनिरहेका थिए । मिगुएल क्रिस्पीन र राफ़ाएल एल्बर्टो नाम गरेका यी चोरहरु क्रमश बाइस र अठार बर्षा छन ।उनिहरु सुरुगं खनेर बैकको पैसाराख्ने ढुकुटिको नजिक पुगिसकेका थिए तर लगभग पचहत्तर मीटर पार गरेपछि सुरुगं भासीयो र नागैं भाग्दा भाग्दै पुलीसको हातमा पुगे । बिचरा चोरहरु नत पैसा चोर्न सके नत कपडा लगाउन नै भ्याए……

ए…..ए…. ए….. पख्नुस नाम देबदासलाइ चाहिएको हैन । यो विज्ञापन त एक अमेरीकन ब्यक्तिले गरेका हुन । केहि हप्ता पछी उनको दोस्रो सन्तानको जन्म हुदैछ तर नाम के राख्ने उनलाइ समस्या भएको रहेछ तर्सथ यो बिज्ञापन गरेका हुन । तर नाम जुराउंदा तपाँइले केहि नियम पालन गर्नु पर्ने छ जो यसप्रकार छन ।

कार्तिक ६ गते आइतबार

चन्द्रमामा जमिनको टुक्रा बेच्ने पसल अब चीनमा पनि खुलेको छ ।धेरै पहिले देखि चन्द्रमामा प्लट बेच्दै आइरहेको अमेरिकन कंपनी लुनर एम्बेसी ले बेइजीगंमा कार्यालय खोलेर यस्को सुरुवात गरेको कुरा चाइना डेली पत्रीकाले जनाएको छ । पत्रीकाका अनुसार अमेरिकी कंपनीले चन्द्रमामा ३७ डलर प्रति एकडको दरले जमीन बेच्न शुरु गरेको छ ।यस कंपनीले यो भन्दा पहिले अमेरीका ,बेलायत,र ऑस्ट्रेलिया समेत गरी सात देशमा आफ्नो कार्यालय खोलीसकेको छ ।अहिले जब चीनले आफ्ना दुइ बैज्ञानिकलाइ सफलता पुवक अंतरिक्षको यात्रा गराएको देखेपछी यो कंपनीले चीनमा आफ्नो व्यपार बढ्न सक्ने देखेर यो कदम चालेको हो ।चन्द्रमामा जग्गा किनेपछि प्रमाणको लागी एक विशेष किसीमको प्रमाणपत्र दिनेछ र चिनीया गा्हकको लागी चन्द्रमामा २० देखी २४ उत्तरी अक्षांश र ३० देखी ३४डिग्री पश्चिम देशांतरको बिचको भाग मात्र उपलब्ध गराउने (more…)