कहिले रुकुम कहिले रोल्पा त कहिले काठमाण्डौमा आगो लाग्छ । सहर गाँउ दन्दन्ती जल्छ र पुन सेलाउँछ । केहि समय पछी फेरी आगो सल्कन्छ र जल्न थाल्छन गाउँहरु , शहरहरु , भन्ज्याङ अनि चौतारीहरु । हाम्रो देशमा आगो लाग्न र जल्नलाई ठुला कुराहरु हुनै पर्दैन । एउटा डाइभरले एउटा मान्छे किच्यो भने पनि पुरा शहर जल्न थाल्छ , अस्पतालमा एउटा विरामी मर्यो भनेपनि शहरमा आगो लगाउन थालिन्छ अनि भारतको एउटा कलाकारले केहि केहि चित्त दुख्नेकुरा गर्यो भनेपनि हामै्र शहर जल्न थाल्छ र हामीहरुनै गोलीखान बाध्य हुन्छौं यो हाम्रो नियती हो । मैले आज गर्न खोजेको कुरा चाँही अलि पुरानो हो अर्थात दुइवर्षपुरानो । आजको ठिक दुइवर्षपहिले काठमाण्डौ दन्दन्ती जलीरहेको थियो । बैदेशीक रोजगारीका कार्यालयहरु, पत्रीका प्रकाशनगृहहरु, राजदुतावासहरु, अनि एयरलाइन्सका कार्यालयहरु यतिवेला मुख्य आगो लगाउने अखडाहरु भएका थिए । बिदेशमा गएर अलीकती पैसा कमाइएला भनी मनभरी सपना संगाल्दै इराक पुगेका बाह्रजना नेपालीहरुलाई एकैठाउँमा हत्या गरीएपछी काठमाण्डौका जनताले निर्दोस नेपाली घाँटी रेटिएको सजीलै पचाउन सकेनन र आफ्नो आक्रोसलाई सडकमा आएर पोखे अन्तत इराकमा क्षती त भयो नै तर नेपालमा पनि कम क्षतीभने भएन । यसको बारेमा बिस्तृत कुराहरु त मेरो संसारमा गएर पढ्न सकिन्छ तर्सथ मैले चाँही यहाँ त्यही कहाली लाग्दो हत्याको भिडियो लाई राखेको छु । मैले यो भिडियो तेतीबेला पनि हेर्ने कोशिस गरेको थिँए तर एक मिनेट हेरेपछी बाँकी भिडियो हेर्ने साहस मैले गरीन र सात दिन सम्म त्यो भिडियोको असरले मलाई सताइरह्यो तर्सथ आज पनि यो भिडियो लाई मैले एक मिनेटजती मात्र हेरेर यहाँ राखेको छु । आज एक साथीले मोवाइल मार्फ भिडियो म्यासेज पठाएको र रत्नपार्कमा राख्नुहोला भनेको हुदा यहाँ राखेको हु तर म भन्दिन कि तपाँइ यो भिडियो हेर्नुहोस । यदी तपाँइ धेरैपैसाको लोभमा परेर इराक अथवा यस्तै कुनै देशमा जान खोजीरहनुभएको छ जहाँ जानको लागी हाम्रो देशले अनुमती पनि दिएको छैन भने चाँही एक पटक यो भिडियो हेर्नुहोस सायद तपाँइको विचारमा केहि परिवर्तन आउँछकि । मोवाइलको भिडियो भएको हुँदा यो सफा सँग देखिदैन र यस्लाइ 3gp फाइल बाट अन्य फाइलमा परिवर्तन गर्न नसकेको हुँदा सम्पादन गर्न पनि मिलेन तर्सथ जस्तो प्राप्त भयो त्यस्तै यहाँ राखेको छु ।

प्रस्तुत भनाईहरु हुन सयपत्री साहित्यिक ब्लगका ब्लगर चहल सयपत्रीको । मोति जयन्तीको अवसरमा भएको एक साहित्यिक वाचन कार्यक्रमा वाचन गरिएको एक गजलको भिडियोलाई यहाँ प्रस्तुत गरेको छु । गजल पूर्णरुपमा माइलादाईको सेरोफेरोमा घुमेको छ । हुन त यो गजल गजलकारले आफ्नै ब्लग सयपत्रीमा प्रकाशन गर्नुपर्ने हो तर भन्नेहरुले देवदास र चहल सयपत्रीमा केहि फरक छैन भनेको हुदा रत्नपार्कमा प्रकाशन गरेको हो , उक्त कार्यक्रमका अन्य भिडियोहरु हेर्न चाँही साहित्यिक ब्लग सयपत्रीमै जानुपर्ने हुन्छ । यदि तपाँइको कम्प्युटरमा यो भिडियो प्ले भएन भने पढेर चित्त बुझाउनु होला ।

गजल पढ्नको लागी भित्र जानुहोला (more…)

अस्ती भन्दा हिजो, हिजो भन्दा आज र आज भन्दा भोली हुँदै जनसागर उर्लिंदै आइरहेको छ गणतान्त्रिक लोकतन्त्रको पक्षमा । राजा निदाइरहेका छन या निदाएको नाटक गरीरहेका छन थाहा छैन तर सरकारको चर्को नुन खाएका पहरेदारहरुभने रगतको होली खेल्नमा रमाइरहेका छन । बिनाहतीयार सान्तरुपमा हिंडेको जुलुसमाथी गोली र ग्याँसको बर्षा गराइरहेका छन । यिनै प्रहरीहरु हुन जो ससस्त्र रुपमा आएका माओबादीहरुसँग डराएर शुरुमै हतियार बुझाएर आत्मर्समर्पण गर्नेहरु र आज यिनीहरुनै हुन निशस्त्र हिंडेका जनतामाथी गोली चलाउने । हतीयार बोकेर आएका पचास जना माओबादी हरुसँग डराएर भाग्नेहरु अहिले एकलाख भन्दापनि बढीको मासमा ढुक्क भएर गोली चलाइरहेका छन । कती फरक छ हतियार हुनु र नहुनुमा ? सबैलाइ त नभनौं , केहि सुरक्षाकर्मीहरुले लोकतन्त्रको पक्षमा आफ्नो र्समर्थन रहेको भन्ने समाचार पनि आएको छ तर मासीक तलब पचाउनलाइ मात्र लोकतन्त्रको बिरुद्धमा गोली चलाउनु भन्दा त बरु महिनौ भोकै रहनु अथवा मागेर खानु नै उत्तम होला जस्तो लाग्छ देवदासलाई । चालु आन्दोलनका क्रममा खिचेको केहि दर्दनाक तस्वीहरुलाइ देवदासले संकलन गरेर भिडीयोको रुप दिएको छ यो भिडीयो ब्लगमा । (more…)

आज अकस्मात देवदासलाइ एउटा भिडीयो क्लिप हात पर्यो रत्नपार्कमा प्रकाशन गर्नको लागी भनेर तर क्लिप हेरेपछी प्रकाशन गर्न देवदास हातहरु काँप्न थाले । प्रकाशन गर्ने कि नगर्ने भनेर धेरैबेर सोचाइ पनि भयो र कती साथीहरुले यस्तो प्रकाशन गर्नु हुन्न भन्नथाले भने केहिले चाँही सत्यकुरामा किन डराउने भन्न थाले । कुरा अश्लिलताको मात्र हैन , यो एउटा देशको इज्जतको कुरा पनि हुन आउँछ । दरवार भित्र भएको यौनलिला लाइ इन्टरनेटमा राखेर दुनियासामु प्रदर्शन गर्नु आखीर दरवारको मात्र हैन देशकै बदनाम हुने कुरा निश्चित छ तथापी आफुले देखेका बिकृती बिसंगतीलाइ जनता सामु पर्याउनुपनि त एउटा कर्तब्य हो । बाहीरबाट हेदा सुकिला लुगा लगाएर हिंड्ने, चिल्लो कारमा हिंड्ने , बोलेका हरेक शब्दहरुलाइ कन्चन वाँणी मान्ने दरबारको पर्दा भित्र कस्ता कस्ता खेल हुदा रहेछन भन्नेकुराको पुष्टी यो भिडीयो क्लिप बाट हुन्छ । थाहा छैन रत्नपार्कमा यो भिडीयो राखेपछी देवदासलाइ कती अप्ठेरो पर्ने हो ? कतीका धम्कि आउने हुन ? कतीले देवदासलाइ खोज्नेहुन ? जे होस आजको सत्यलाइ हामीले जसो जसो स्विकार्नै पर्छ । भोली जो होगा देखा जाएगा । ज्यान बचेछ भने फेरी भेटौंला है त ? भिडीयो हेर्न यहाँ क्लिक गर्नुहोला ।

आज देवदासलाइ एउटा इमेल प्राप्त भयो जो आफ्नो नाम बताउन नचाहने एक व्यक्तीको थियो र त्यो देवदासका लागी अली दुखद पनि थियो । सँधै अज्ञात व्यक्तीले इमेल पठाउँदा केहि न केहि सुखद समाचार सुन्नलाइ मिल्थ्यो तर आजको अज्ञात व्यक्तीले देवदासलाइ नराम्रो सँग धम्कीदिएको छ । कुरा रत्नपार्कमा राखेको भिडीयोको विषयलाइ लिएर हो । महको भिडीयोलाइ किन रत्नपार्कमा राखेको भनेर धम्की प्राप्त भएको छ र चौविष घण्टाभित्र उक्त भिडीयो डिलेट गर्ने आदेश आएको छ । देवदासले पहिलेनै भनिसकेको छ कि उक्त भिडीयो कसैले अपलोड गराएर देवदासलाइ दिएको हो भनेर , र त्यस्को साँचो देवदासको हातमा पनि छैन । हो यदी उक्त भिडीयोले कसैलाइ अप्ठेरो पार्छ वा कपि राइटको नियमले उक्त भिडीयोलाइ प्रशारण गर्न मिल्दैन भने देवदासले उक्त भिडीयोलाइ रत्नपार्कबाट हटाउन सक्छ तर इन्टरनेटको जुन साइटमा उक्त भिडीयो राखीएको छ त्यसबाट देवदासले डिलेट गर्न सक्दैन । उक्त इमेल प्राप्त भएपछी देवदासले उक्त साइटमा गएर अन्य त्यस्तै भिडीयोहरु खोज्दै जाने क्रममा नेपाली फिल्म , टेलिफिल्म, म्युजीक भिडीयोहरु असंख्य मात्रामा भेट्टायो जुन कपिराइटलाइ ड्याम कियर गरेर राखीएको छ । रत्नपार्कमा राखीएको भिडीयोलाइ देवदासले मात्र हैन जस्लेपनि आफ्नो साइटमा राख्न मिल्छ तर उक्त साइटबाट हटाउन अधिकार र साँचो भने त्यही ब्यक्तीलाइ मात्र छ जस्ले उक्त साइटमा खाता खोलेर उक्त भिडीयो अपलोड गराएको हो तर्सथ देवदासलाइ यो विषयलाइ लिएर धम्क्याउनुको कुनै तुक छ जस्तो लाग्दैन । देवदासलाइ साह्रै मन परेका केहि गीतहरु आज घुम्ने क्रममा भेटि्टए जसमध्ये उदीत नारायणले गाएको कैले तिम्रो पछ्यौरीमा अल्झें र राजुलामाको भाइटिकामा भेट्न आउँला नरोइ जाउ चेली भन्ने गीत लाइ यहाँ राखेको छ । यो गीतलाइ जस्ले इन्टरनेटमा राख्यो उक्त व्यक्तीले असीभन्दा बढी नेपाली हिट गीतलाइ आफ्नो खातामा राखेको छ । नपत्याए तपाँइ पनि हेन सक्नुहुन्छ याहाँ क्लिक गरेर । अनी भन्नुस इन्टरनेटमा भेट्एको भिडीयोलाइ रत्नपार्कमा राख्नु गलत हो या कपिराइटलाइ ड्यामकियर गरेर इन्टरनेटमा आफ्ना मनपर्ने भिडीयोलाइ राख्नु गलत हो ?कुरा जती लम्ब्यायो त्यती लम्बीन सक्छ तर्सथ यी कुरा गरेर इन्टरनेटको महसुल बढाउनु भन्दा मनपर्छ भने उक्त भिडीयो हेर्नु नै फाइदाजनक हुनसक्छ ।लौ त आज भेट्टाएको मध्ये देवदासलाइ साह्रै मनपर्ने दुइ गीत हेर्नुहोस ।
कैले तिम्रो पछ्यौरीमा अल्झें
भाइटिकामा भेट्न आउँला नरोइ जाउ चेली

केही दिन अघीसम्म नेपाली राजनितिमा नगर चुनाव र नेपाल बन्दले सबैलाइ भुल्याएको थियो । जब नगर चुनाव सकियो त्यसपछी सम्पूर्ण ध्यान प्रचण्डले आफुतिर तानेका छन । कान्तिपुरलाइ अन्तर्वाता दिएर एकाएक गरम चर्चामा आएका प्रचण्डले भारतको हिन्दु पत्रिका र त्यसपछी बी बी सी लाइ अन्तर्वार्ता दिए । धेरै वर्षसम्म आफ्नो अनुहार लुकाएका प्रचण्डले पहिलो पल्ट आफ्नो अनुहार बी बी सी मार्फत सबैलाइ देखाएका हुन । अन्य वक्तब्य तथा अन्तर्वार्ता भन्दा एसपटकको अन्तर्वार्तामा उनले आफ्नो भाषालाइ अली खरो बनाएका छन । कान्तिपुर सँगको अन्तर्वार्तामा राजा सँग वार्ता हुनसक्ने संभावन दर्सायका प्रचण्डले त्यस्को दुइ तिन दिन पछी नै राजाले कित निर्वासनमा जानुपर्ने कि त जनताको अदालतमा मुद्दा चलाइने जस्ता कुरा गरेर फेरी राजनितीक बजार तताएका छन । यदी तपाँइहरुले प्रचण्डको अन्तवार्ता हेर्नुभएको छैन भने तल रहेको प्लेएरमा प्ले गरेर हेन सक्नुहून्छ । यदी यो प्लेएर प्ले भएन भने यहाँ क्लिक गरेर पनि हेन सक्नुहुन्छ अथवा बी बी सी मा पनि हेन सकिन्छ । प्रस्तुत भिडीयो उपलब्ध गराउनु हुने ब्लगर उमेश श्रेष्ठलाइ धन्यबाद ।

आज देखी शुरुभएको नेपालको राष्टिय चाड नेपाल बन्दको पहिलो दिनमा देवदास सम्पूर्ण नेपाली हरुलाइ नेपाल बन्द को शुभकामना दिन्छ किनकी चाहे पनि नचाहे पनि बाध्यताबस नेपाली क्यालेण्डरमा यो चाडले राम्रैसँग डेरा जमाइ सकेको छ । अब हाम्रो मुख्य चाडहरुमा दँसे , तिहार पछी तेस्रोमा नेपाल बन्द नै पर्न आँउछ । जस्ले गरे पनि , जैले गरेपनि , कारण जे भएपनि नेपाल बन्द भनेपछि नेपाल बन्द हुन्छनै । नाफा घाटाको हिसाब किताब गर्ने अरुनै छँदैछन । देवदासलाइ पुन अपरिचीत साथीको तर्फाट नेपाल बन्दको भिसीडी प्राप्त भएको छ । केहीबर्षपहिले हरिवंस र मदनकृष्णले नेपाल बन्दको अबसर पारेर प्रस्तुत गरेको स्टेज प्रोग्राम नेपालबन्द लाइ देवदासले रत्नपार्कमा राखेको छ । यो प्रोग्रामलाइ पनि अपरिचीत साथीले अपलोड गराएर मलाइ जानकारी दिनुभएको हो । हुन त उहाँले यो कुरा हिजै इमेल गरेर भन्नुभएको थियो तर समयको अभाबका कारण देवदासले राख्न भ्याएको थिएन । आज अलिकती समय निकालेर रत्नपार्कमा राखेको छ । यसमा हरिवंश ले हाम्रा भुपु प्रधानमन्त्री कृष्णप्रसाद भट्टराइ को भुमीका निभाउनु भएको छ र मदनकृष्ण ले एक साधारण नागरीकको भुमीका निभाउनु भएको छ र उँहा आफ्नी सुत्केरी हुन लागेकी श्रीमतीलाइ अस्पताल लानेक्रमामा जुद्दशमसेरको सालीक अगाडी नयाँ सडकमा पुव प्रधानमन्त्रि किशुन जी सँग भेट हुन्छ जुन दिन नेपाल बन्दको दिन हून्छ । अब किशुन जी र मदनकृष्ण बिचमा के संवाद हुन्छ र मदन कृष्णकी श्रीमतीले के जन्माउँछिन त्यस्कोलागी यो भिडीयो हेर्नुहोस । भिडीयो यदी लगातार प्ले भएन भने केहिबेर पुस बटनमा क्लिक गरेर पुरा डाउनलोड गर्न दिनुस त्यसपछि पुन प्ले गर्नुस अनि आरामले नेपाल बन्द हेर्नुस है त?
विविध कारणले प्रस्तुत भिडीयो यहाँ राख्न नसकेको हुँदा यहाँ क्लिक गरेर सम्बन्धित साइटमा गएर हेन सकिन्छ ।

एक अपरिचित साथीको कृपाले आज देवदासलाइ एउटा दोहोरी गीत को भिडीयो प्राप्त भएको छ । अपरिचित साथीभएपनि उहाँले देवदासको नाममा निशुल्क भिडीयो अपलोड गर्ने साइट यु ट्युबमा खाता खोलेर उहाँलेनै भिडीयो अपलोड गराइदिनुभएको छ । गजब लाग्यो जब उहाँले मेल ठेगाना पनि देवदासकै प्रयोग गर्नु भएको देख्दा त्यस्को लागी देवदासले इमेल ठेगाना एप्रुभ गर्नुमात्र पर्ने । जे होस जसरी भएपनि उहाँको दुखको लागी देवदास धेरै धेरै आभारी भएको छ । यो भिडीयो गाइजात्राका अबसरमा नाचघरमा प्रस्तुत गरिएको रहेछ र प्रस्तुत कर्ता चाँही हरिवंस आचार्य र मदनकृष्ण श्रेष्ठ हुनुहँुदो रहेछ । यो प्रोग्राम देवदासले पहिला नहेरेको भएर होला पहिलो पटक हेदा देवदास पेटमिची मिची हाँस्न बाध्य भयो । हरिवंश आचार्य बुढीभएर गीत गाँउदै नाचेको र मदनकृष्ण श्रेष्ठ एक नेता भएर दोहोरी खेलेको साँच्चैनै राम्रो छ । दोहोरी को बोल छ , बल्ल पर्यो निर्माया माकुरी जालैमा । लौ त हेर्नुस रत्नपार्कमा पहिले नेपाली कार्यक्रम मह दोहोरी २०६२ ।
विविध कारणले प्रस्तुत भिडीयो यहाँ राख्न नसकेको हुँदा यहाँ क्लिक गरेर सम्बन्धित साइटमा गएर हेन सकिन्छ ।

केही समयको लागी देवदासले रत्नपार्कलाइ टेलीभीजनको रुपमा प्रयोग गर्ने विचार गरेको छ । रत्नपार्कमा अंग्रेजी का साथसाथै नेपाली तथा हिन्दी फिल्मलाइ पनि राख्ने जमर्को गरेको छ । आफुलाइ गोप्य सुत्र बताउने एक अपरिचीत साथीले देवदासलाइ नेपाली फिल्म, टेलिफिल्म, तथा म्युजीक भिडीयो हरुलाइ अनलाइन उपलब्ध गराउने जानकारी दिएकोले देवदासले यो फिल्मराख्ने विचार गरेको हो तर आजको फिल्म चाँही गुगलबाट देवदासले लिएको हो अमीताभ बच्चन,अक्षय कुमार र तेरे नाम गर्ल भुमीका चावला को मुख्य भुमीका रहेको हिन्दी फिल्म फेमीली लाइ आजको पहिलो हिन्दी फिल्मको रुपमा देवदासले प्रस्तुत गरेको छ । यसपछी क्रमश नेपाली चर्चित फिल्म तथा टेलीफिल्म लाइ प्रस्तुत गर्ने छ ।

इन्टरनेट र्सचको दुनियामा एक नम्वरमा रहेको र्सच इन्जिन गुगलले भर्खरै घोषणा गरेको छ कि निकट भबिष्यमा उस्ले टिभी प्रोग्रामहरुलाइ पनि गुगलमा समावेश गर्ने छ र हरकोहीले आफुले चाहेको टेलीभीजन कार्यक्रमलाई इन्टरनेटबाट सिधै हेन सकीने छ अथवा डाउनलोड गरेर हेर्न सकिने छ । गुगलको यो कार्यपश्चात टेलीभीजनका दशर्क पनि कम्प्युटरतीर नै आकर्शित हुने निश्चित छ । गुगलको यो कार्यक्रम सफल भएपछी गुगलले माइक्रोसफ्ट लाइ पनि पछाडी पार्ने अनुमान गरिएको छ । आशा गरौं गुगलमा चाँडैनै टिभी कार्यक्रम हेन पाइयोस । अहीले गुगलले उपलब्ध गराएको एउटा अंग्रेजी फिल्मलाइ देवदास ले याँहा राखेको छ । पानी आपुर्तिमा आतंकवादीहरुको आक्रमणको बिषयलाइ लिएर बनाएको यो फिल्ममा भारतीय कलाकार सवाना आज्मी र अजए नाएडुले पनि अभिनय गरेका छन । एक घण्टा बाइस मीनेटको यो फिल्मलाइ डाउनलोड नगरी सीधै रत्नपार्कको मुख्य पृष्टमा हेर्न सकिन्छ । लौ त हेर्नुहोस रत्नपार्कको पहिलो सो अंग्रेजी फिल्म waterborn .