काठमाडौं,जेठ ४/विहिवार

साँच्चै आफ्नो मुख देखाउन पनि लाज लाग्न थालेको हो त महाँराजहरुलाइ ? सिंहदरबार अगाडी रहेको पृथ्वीनारायण शाहको सालीक अहीले यसरी पर्दापछाडी लुक्न बाध्य छ ।
विहान प्रधानमन्त्री निवास बालुवाटारमा बसेको मन्त्री परिषद्को बैठकले आजै प्रतिनिधि सभाबाट जारीहुने विशेष घोषणा पत्रलाई केही बुँदाहरुमा संसोधन गरी पारित गरेको छ ।मन्त्रीपरिषद उच्च स्रोतका अनुसार विहिबारको बैठकले सेना र राजासम्बन्धी विशेष घोषणपत्रका केही बुँदामा संसोधन गरेको हो ।सुरुमै उक्त घोषणापत्रमा धर्मका दृष्टिले राज्य कस्तो हुने भन्ने ब्यवस्था नभएकोमा नेपाल धर्म निरपेक्ष राज्य हुने बुँदा थपिएको छ । त्यसैगरी हालको राष्ट्रिय गान परिवर्तन गरी बैकल्पिक ब्यवस्था गर्ने भनिएको छ । मस्यौंदालाई ब्यवस्थापिकाका सम्बन्धमा, कार्य कारिणीका सम्बन्धमा, सेनाका सम्बन्धमा, राजपरिषदका सम्बन्धमा, राजदरबारका सम्बन्धमा गरी विभिन्न शर्ीष्ाक गरी ६ वटा उपशीष्कमा बाँडिउको छ । राजाको अधिकार कटौती, राजपरिषद खारेज, सेना संसदको मातहतमा राखी परिचालनसम्बन्धी मन्त्रीपरिषद्को निर्णय ३० दिनभित्र प्रतिनिधिसभाले तोकेको समितिमा प्रस्तुत भई अनुमोदन हुनुपर्ने ब्यवस्था रहेको छ । मन्त्रि परिषदको बैठक पछि पत्रकारहरुसँग कुरागर्दै उप प्रधानमन्त्री तथा परराष्ट्रमन्त्री के.पी ओलीले घोषणपत्रमा सामान्य संसोधन भएपनि आन्दोलनको भावना विपरित नगएको बताउनु भयो । उहाँले घोषणापत्रको आशयमा कुनै फरक नपारी केहि शब्दमा सामान्य परिमार्जन गरेको जानकारी दिनु भयो । (more…)

काठमाडौं, जेठ १/आज सोमबार प्रतिनिधि सभामा पेश गर्ने भनिएको “प्रतिनिधि सभा विशेष घोषणपत्र २०६३” पेश हुन सकेन । घोषणा पत्रलाई अन्तिम रुप दिने विषयमा छलफल गर्न सोमवार विहान प्रधानमन्त्री निवास बालुवाटारमा सात राजनितिक दलका सिर्स नेताहरुको र्सवदलीय बैठक बसेपनि सातदलका सिर्सनेताहरुमा सो घोषणापत्रको महत्वपूर्ण बुदाँहरुमा विबाद उत्पन्न भएपछि सोमबारको बैठकमा पेश नहुने भएको हो ।आइतबार बसेको सातदलको संयुक्त बैठकले दलका सिर्स नेताहरुको बैठक पछि सोमबारको प्रतिनिधि सभामा पेश गर्ने निर्णय गरिएको थियो । नेपाली काङग्रेस प्रजातान्त्रीकका नेताहरुले मन्त्रीमण्डलले पूर्णता पाए पछि मात्र घोषणापत्रलाई संसदमा पेश गर्नु पर्ने माग गरेका थिए । त्यस्तै अन्य दल संयुक्त वाममोर्चा मजदुर किसान पार्टी सद्भावना आनन्दीदेवीका र संयुक्त बाममोर्चा नेताहरुले पनि घोषणापत्रमा उल्लेख भएका बुदाँहरुका विषयमा माओवादी नेताहरु सँग पनि छलफल गर्नु पर्ने धारणा राखेका थिए । दलहरु वीच सेनाको विषयमा स्पष्ट धारणा आउन नसकेका कारण घोषणा पत्र प्रतिनिधि सभामा पेश हुननसकेको जनाइएको छ ।बैठकमा सहभागी एक नेताले दिनु भएको जानकारी अनुसार सबै पक्ष सँगको परामर्श र आवश्यक गृहकार्य पछि आगामी बिहिबार सम्ममा घोषणा पत्रलाई ससदमा पेश गरिनेछ । आज र्सवदलिय बैठकले मन्त्रिपरिषद विस्तारका लागि नामावली पठाउन सबै राजनीतिक दलहरुलाई आग्रह गरेको छ । आजको बैठकमा नेपाली कांग्रेसबाट ७, एमालेबाट ६, नेपाली कांग्रेस प्रजातान्त्रिकबाट ४ र अन्य पार्टीबाट एक एक जना अबको मन्त्रिमण्डलमा सहभागी गराउने निर्णय भएको छ ।
प्रस्तावित प्रतिनिधिसभाको घोषणा पत्र जनु आज प्रतिनिधि सभामा प्रस्तुत हुन सकेन ।
प्रतिनिधिसभाको घोषणा-पत्र, २०६३
१. व्यवस्थापिकाका सम्बन्धमाः
१.१. नेपालको व्यवस्थापिकाका सम्बन्धी सम्पूर्ण अधिकार प्रतिनिधिसभाद्वारा प्रयोग गरिनेछ । कानुन निर्माण गर्ने प्रक्रिया प्रतिनिधिसभाले निर्धारण गरेबमोजिम हुनेछ ।
१.२. संविधानसभाको मार्गमा अघि बढ्ने प्रक्रिया प्रतिनिधिसभाले आवश्यकताअनुसार निर्धारण गर्नेछ ।
१.३. प्रतिनिधिसभाको अधिवेशनको आहृवान र अन्त्य देहाय बमोजिम हुनेछ ।
-क) प्रधानमन्त्रीबाट अधिवेशनको आहृवान हुनेछ र प्रधानमन्त्रीको सिफारिसमा सभामुखबाट अधिवेशनको समापन गरिनेछ ।
-ख) प्रतिनिधिसभाको अधिवेशन चालु नरहेको वा बैठक स्थगित भएको अवस्थामा अधिवेशन वा बैठक बोलाउन वाञ्छनीय छ भनी प्रतिनिधिसभाको सम्पूर्ण संख्याको एक चौथाई सदस्यहरूले सभामुख समक्ष समावेदन गरेमा सभामुखले त्यस्तो अधिवेशन वा बैठक पन्ध्र दिनभित्र बस्ने गरी मिति र समय तोक्नुपर्नेछ ।
१.४ नेपाल राज्यको मन्त्रिपरिषद्, प्रशासन, प्रहरीलगायतका सम्पूर्ण कार्यकारी अंगहरू प्रतिनिधिसभाको मातहतमा हुनेछन् ।
१.५. प्रतिनिधिसभाले प्रतिनिधिसभा नियमावली स्वयम् बनाई लागू गर्नेछ ।
२. कार्यकारिणीका सम्बन्धमा
२.१. नेपाल राज्यको सम्पूर्ण कार्यकारिणी अधिकार मन्त्रिपरिषद्मा निहित रहने छ ।
२.२. मन्त्रिपरिषद्ले प्रतिनिधिसभाको विश्वासको मत लिनुपर्नेछ ।
२.३. प्रमको सिफारिसमा प्रतिनिधिसभा सदस्य नरहेको व्यक्ति पनि मन्त्रिपरिषद्मा मनोनित हुनसक्नेछन् ।
२.४. मन्त्रिपरिषद् र मन्त्रीहरू सामूहिक रुपमा र आफ्नो मन्त्रालयको कामका लागि व्यक्तिगत रुपमा समेत प्रतिनिधिसभाप्रति उत्तरदायी हुनेछन् ।
२.५. सरकारको कार्यविभाजन र कार्य सम्पादन नियमावली मन्त्रिपरिषद्बाट पारित भई प्रतिनिधिसभामा प्रस्तुत गरिनेछ ।
३. सेनाका सम्बन्धमा
३.१ ‘शाही नेपाली सेना’ को नाम परिवर्तन गरी ‘नेपाली सेना’ गरिनेछ ।
३.२. सेना परिचालनसम्बन्धी सुरक्षा परिषद्को विद्यमान व्यवस्था खारेज गरिएको छ । नेपाली सेनाको गठन नियन्त्रण, प्रयोग र परिचालन मन्त्रिपरिषद्ले गर्नेछ ।
३.३. नेपालीसेनाको प्रधानसेनापतिको नियुक्ति मन्त्रिपरिषद्ले गर्नेछ । सोको अनुमोदन प्रतिनिधिसभाले व्यवस्था गरेबमोजिम हुनेछ ।
३.४. सेनाको परमाधिपतिसम्बन्धी विद्यमान व्यवस्था खारेज गरिएको छ ।
३.५. सेना परिचालन सम्बन्धी मन्त्रिपरिषद्को निर्णय ३ दिनभित्र प्रतिनिधिसभाले तोकेको समितिमा प्रस्तुत भई अनुमोदन हुनुपर्नेछ ।
४. राजपरिषद्का सम्बन्धमा
राजपरिषद्को विद्यमान व्यवस्था खारेज गरिएको छ । त्यसले गर्दै आएका आवश्यक काम प्रतिनिधिसभाले व्यवस्था गरेबमोजिम हुनेछ ।
५. राजदरबार सम्बन्धमा
५.१. राजगद्दी उत्तराधिकार सम्बन्धी कानुन बनाउने, संशोधन गर्ने र खारेज गर्ने अधिकार प्रतिनिधिसभामा रहनेछ ।
५.२. श्री ५ को खर्च र सुविधा प्रतिनिधिसभाको निर्णय बमोजिम हुनेछ ।
५.३. श्री ५ को निजी सम्पत्ति र आयमाथि कानुन बमोजिम कर लाग्ने छ ।
५.४. श्री ५ बाट संविधान र कानुन विपरित गरे भएका कामहरूका बारेमा प्रतिनिधिसभा र अदालतमा प्रश्न उठाउन सकिनेछ ।
५.५ ‘श्री ५ को सरकार’लाई अब उप्रान्त ‘नेपाल सरकार’ भनिनेछ ।
५.६. विद्यमान राजप्रसाद सेवाको व्यवस्था खारेज गरी राजदरबारमा निजामति सेवाबाट आवश्यक कर्मचारीहरू खटाइनेछ ।
५.७. राजदरबारको सुरक्षा प्रबन्ध मन्त्रिपरिषद्ले व्यवस्था गरेबमोजिम हुनेछ ।
६. विविध-
क) प्रतिनिधिसभाको नियमावलीमा तोकिएका र्सार्वजनिक पदधारण गर्ने पदाधिकारीहरूले यो घोषणापत्रप्रति आस्था प्रकट गरी प्रतिनिधिसभाबाट तोकिएको समय र ढाँचामा शपथ लिनेछन् । शपथ लिन इन्कार गर्ने पदाधिकारी पदमुक्त हुनेछन् ।
-ख) यस घोषणासँग बाझिएका नेपाल अधिराज्यको संविधान २०४७ र अन्य कानूनका व्यवस्थाहरू बाझिएको हदसम्म अमान्य हुनेछन् ।
-ग) यो घोषणाको कार्यान्वयनमा आइपर्ने कुनै पनि बाधा व्यवधान प्रतिनिधिसभा स्वयम्ले निर्णय गरी अनुकूल गर्न सक्ने छ ।स्वतन्त्र समाचार सेवा

वैशाख २६ गते
आफ्नो नाम जीतबहादुर श्रेष्ठ बताउने अन्दाजी चार-पाँच वर्षीय बालक फेला परेका छन् । उनी ०६३ वैशाख १७ गते राति करिब साडे नौ बजे नैकापस्थित बल्खु पुलनेर (सिप्रदी ट्रेडिङ्गअगाडि) रोइरहेको अवस्थामा फेला परेका हुन् । बालकले आफ्नो नाम बताए तापनि बाबु-आमाको नाम के हो र घर कहाँ हो भन्नेबारे केही बताउन सक्दैनन् । उनले आफ्नो दाजुको नाम सुरज भएको बताएका छन् । आफू बिस्नु भन्ने व्यक्तिसँग आएको उनले बताएका छन् । बालक जीतबहादुरलाई सतुङ्गलका देवरत्न डङ्गोलले फेला पार्नु भएको हो । जीतबहादुर अहिले पनि डङ्गोलसँगै सतुङ्गलस्थित प्रगति भीसीडी सेन्टरमा छन् । फ्रुटी कारखानाका ड्राइभरसमेत रहेका डङ्गोललाई फोन नं. २०२४०४५ र मोबाइल नं. ९८४१-२०४२१७ मा सर्म्पर्क गर्न सकिन्छ । इन्सेक अनलाइन डेस्क

आज आन्दोलनको सत्रौं दिन राजधानीका अलावा देशका प्राय सबैभागहरुमा आन्दोलनले चर्को रुप लिएको छ । हिजोको राजाको सम्बोधनले सात दलको बाह्रबुँदे सहमतीलाइ , र आन्दोलनरत जनतालाइ सम्बोधन नगरेको भन्दै यो आन्दोलन नरोकिने घोषणा गरेपछी जनताहरु गणतन्त्रको नारा लगाँउदै आन्दोलनमा उत्रीएका छन । आज भएको आन्दोलनका केही तस्वीरहरुलाइ मैले याहाँ राखेको छु हेनलाइ भित्र जानुहोला । (more…)

रातभरी रुँग्यो बुढी जिउँदै भनेजस्तो भयो आज राजाको सम्बोधन पनि । दिनदिनैको आन्दोलनबाट आँत्तिएका राजाले आज जनताको चाहना पुरा गर्छन भन्ने आशा सबैमा थियो तर राजाको लिंडेढिपी र घमण्डले त्यो हुन सकेन । दिनदिनै राजा भाग्ने सुरमा भन्ने हल्ला बजारमा चल्न थालेपछी भाग्नुभन्दा त जनताको चाहना अनुसार अगाढी बढ्नुनै उत्तम हो तर्सथ राजाले जनमतको कदर गर्लान जस्तो लागेको थियो तर अब त्यो नहुने निश्चित भएको छ । भोलीदेखी आन्दोलन झन चर्किने छ र राजाले पनि सकेसम्म यसलाइ दमन गर्ने निश्चित छ अब त राजालाइ पनि लगभग भारतको र्समर्थन मिल्नेछ किनकी भारतको निर्देशनमा राजाले यो चाल चालेका हुन । राजाको सम्बोधनको बारेमा सात पार्टी बैठक बसिसकेको छैन तर्सथ उनिहरुको सामुहिक प्रतिकृया आइसकेको छैन तर नेका का शुसील कोइरालाले यस्को बिरोध गरीसकेका छन र जनताले पनि राजाको यो प्रस्ताव अस्विकार्य भएको उदघोस गरीसकेका छन । परेवा डटकमका अनुसार सुशील कोइरालाले श्री ५ द्वारा शुक्रबार साँझ बक्स भएको शाही घोषणा सात दलको एकता भाँड्न आएको धारणा राख्नुभएको छ। सात दलको आन्दोलन उचाइमा पुगेको अवस्थामा षड्यन्त्रपूर्ण किसिमले शाही घोषणा आएको उहाँले बताउनुभयो।
शाही घोषणाका बाबजुद आन्दोलन जारी रहने बताउँदै बीबीसी नेपाली सेवासँगको अन्तर्वार्तामा कोइरालाले सात दलले प्रधानमन्त्रीको नाम सिफारिश गर्ने सम्भावना नरहेको स्पष्ट पार्नुभएको छ।
कांग्रेस प्रवक्ता कृष्ण सिटौलाले जनआन्दोलनको रोडम्यापलाई श्री ५ को घोषणाले सम्बोधन नगरेको प्रतिक्रिया दिनुभएको छ। परेवालाई प्रतिक्रिया दिँदै सिटौलाले ‘दलहरुको मागलाई सम्बोधनले सकारात्मक रुपमा लिइएको छैन’ भन्नुभयो।यसअघि नै एमालेका बामदेव गौतमले परेवालाई प्रारम्भिक प्रतिक्रिया दिँदै राजाको घोषणामा षड्यन्त्रको गन्ध आएको प्रतिक्रिया दिनुभएको थियो। उता नेकपा माओवादीले पनि वर्तमान आन्दोलन जारी राख्नुको विकल्प नरहेको धारणा अघि सारेको छ। बीबीसी नेपाली सेवालाई अन्तरवार्ता दिँदै माओवादी प्रवक्ता कृष्णबहादुर महराले ‘आन्दोलनको मुख्य एजेन्डा १२ बुँदे सहमतीलाई सम्बोधन गरेका छैन’- भन्नुभएको छ। जनताको आन्दोलनको उद्देश्य संविधान सभा हो भन्दै महराले राजाको सम्बोधनले आन्दोलनको मुख्य आत्मालाई छुन नसकेको प्रतिक्रिया दिनुभएको छ।

सात राजनीतिक पार्टीले पूर्ण प्रजातन्त्रको लागि जारी राखेको आन्दोलनको पन्ध्रौं दिन ०६३ वैशाख ७ गते राजधानीको चक्रपथ बाहिरका विभिन्न क्षेत्रमा विरोध प्रदर्शन भएका छन् ।
कलंकी क्षेत्रमा अपराह्न १.०० बजेदेखि राजनीतिक दलको प्रदर्शनमा प्रहरीले हस्तक्षेप गरी सयौं राउण्ड गोली तथा अश्रुग्याँस प्रहार गरेको छ । प्रहरीको गोलीद्वारा कम्तीमा तीनजना प्रदर्शनकारीको मृत्यु, ५० जनाभन्दा बढी प्रदर्शनकारी घाइते छन् । कर्फ्यूको अवज्ञा गर्दै इन्सेकको गाडीबाट उपचारको लागि काठमाण्डौ मोडेल अस्पताल पुर्‍याएका घाइतेमध्ये तीन जना प्रदर्शनकारीको मृत्यु भएको हो । घाइतेहरुमा मकवानपुरका विमल ढकाल, नुवाकोटका माधव नेपाल, दोलखाका खेमराज गिरी, मोरङका दीलिप राजवंशी, त्रिविका स्ववियु सदस्य आशा राई, स्युचाटारका विवेक ढुंगना, प्रद्युम खड्कालगायतका रहेका छन् ।
घटनाका प्रदक्षदर्शीका अधिवक्ता रामकुमार विडारीका अनुसार सशस्त्र प्रहरीका वरिष्ठ प्रहरी उपरिक्षक दोर्जकुमार राईको आदेशमा गोली प्रहार भएको थियो । राई आँफैले पनि पेस्तोलले कन्चटमा गोली हानी प्रदर्शनकारीको हत्या गरेको थिए ।
कलंकीबाट इन्सेक केन्द्रीय कार्यालयका रुपेश नेपालका अनुसार, सतुंगल, कीर्तिपुर, स्युचाटार आदि ठाउँहरूबाट लाखौंको जुलुस आज मध्याह्न कलंकी चोकतर्फअगाडि बढ्यो । कीर्तिपुरको डाँडाबाट वर्षातमा ठाउँ ठाउँबाट झरना झरेजस्तै गरी जुलुसै जुलुस झरेको थियो । त्यही समयको हराहारीमा भैंसेपाटी, नारायण गोपाल चौक र चावहिलतर्फाट पनि मानवसागरले चक्रपथ क्षेत्रभित्र प्रवेश गर्न खोजेको थियो ।
गोगंबु, सामाखुसीबाट इन्सेकका रमेश अधिकारीका अनुसार, गोगंबु क्षेत्रमा राजनीतिक दलका नेता तथा कार्यकर्ताले आज बिहान केही समय विरोध प्रदर्शन गरेका छन् । यसैगरी सामाखुसी क्षेत्रमा पनि कर्फ्युको अवज्ञा गर्दै ठाउँठाउँबाट छड्के जुलुस प्रदर्शन भएको बताइएको छ ।
यसैबीच चक्रपथ क्षेत्रबाट कर्फ्यूको अवज्ञा गर्दै १२‌.३० बजे प्रदर्शनकारीहरू अघि बढेको छ ।
म्हैपी, बालाजुबाट इन्सेकका दिनेश खनालका अनुसार सो क्षेत्रमा आज बिहान १५ २० जनाको संख्यामा निस्केका प्रदर्शनकारीहरूले टायर बाल्नुका साथै झण्डासहित नारा लगाएर विरोध प्रदर्शन गरे ।
नेपालटार, बालाजुबाट इन्सेककी प्रमीला थापाका अनुसार नेपालटारमा २ सय भन्दा बढीको संख्यामा निस्केको जुलुसले नाराबाजी गर्दै विरोध प्रदर्शन गरेका छन् ।
र्कीर्तिपुरमा राजनीतिक दललहरूले बिहान ११.०० बजे निकालेको विरोध प्रदर्शन नगाउँ, नयाँबजार, ट्याँङलाफाँट हुँदै कलंकीतर्फआएको छ । यसैगरी, र्कीर्तिपुर क्षेत्रमा बिहानै देखि सांस्कृतिक झाँकीसहित निकालिएको जुलसले नगाउँ, नयाँबजार, पाँगालगायतका क्षेत्र परिक्रमा गरेको छ । शंखमुल, शान्तिनगर, मैतीदेवी, चावहिल, कोटेश्वर जोरपाटी, महाराजगञ्ज, बसुन्धारा, बालाजु, बनस्थली, स्वयंभु, सीतापाइला, कलंकी बल्खु, पाटन, मंगलबजार, नख्खु, भैंसेपाटी, चापागाउँलगायतका क्षेत्रमा पनि राजनीतिक दलका नेता तथा कार्यकर्ता जम्मा भई विरोध प्रदर्शन गरिरहेको बताइएको छ ।
ललितपुरको सातदोबाटो तथा ताछिखेल क्षेत्रमा पनि प्रहरीले जुलुसलाई हस्तक्षेप गरी लाठी प्रहार गर्दा कम्तीमा दुईजना प्रदर्शनकारी घाइते भएको इन्सेक केन्द्रीय कार्यालयकी गीता मालीले बनाउनु भएको छ । घाइतेलाई उपचारको लागि स्थानिय सामुदायिक अस्पताल लगिएको छ ।
ललितपुरस्थित सातदोबाटोबाट कृष्ण सुवेदीका अनुसार, सात राजनीतिक दलको विरोध प्रदर्शनमा प्रहरीले हस्तक्षेप गरी गोली तथा अश्रुग्याँस प्रहार गर्दा कम्तीमा ४ सय जना प्रदर्शनकारी घाइते भएको बताइएको छ । अरनिको विद्यालयको हाता भित्र कम्तीमा २ सय जना प्रदर्शनकारीहरुको उपचार गरिसकिएको बताइएको छ । उक्त घटनामा दीप चाम्लिङलाई चारओटा गोली लागेको छ । उनको टाउको कान घाँटी आदी ठाउँमा गोली लागेको छ । उनलाई पाटन अस्पताल लगिएको छ ।
चुच्चेपाटीबाट इन्सेकका गोविन्द त्रिपाठीका अनुसार बौद्ध क्षेत्रबाट हजारैंको संख्यामा जुलुस प्रदर्शन भएको छ। उक्त जुलुस चुच्चेपाटी क्षेत्रतर्फ अघि बढेको छ । लोकतन्त्रको पक्षमा आज सबैभन्दा पहिले निकालिएको उक्त विशाल जुलुसले निषेधाज्ञा र कर्फ्यु तोड्दै अघि बढ्ने प्रदर्शनकारीहरुले बताएका छन् । जसको कारण सो क्षेत्रमा ठूलै झडप हुने आशंका गरिएको छ।
कौशलटारबाट इन्सेकका जगदीश दाहालका अनुसार, पेप्सीकोला क्षेत्रबाट राजनीतिक कार्यकर्ताले निकालेको जुलुस जडिबुटी हुँदै कोटेश्वरतर्फ अघि बढेको छ ।
चावहिल गौरीघाटबाट इन्सेकका शिव खकुरेलका अनुसार गौरीघाट तथा मैजुबाहालबाट हजारौंको संख्यामा राजनीतिक कार्यकर्ताहरू जुलुस प्रदर्शन गर्दै चुच्चेपाटी क्षेत्रतर्फअघि बढेका छन् । (more…)

पूर्ण लोकतन्त्रको माग गर्दै आन्दोलनको मैदानमान उत्रिएका जनताहरुले पुलीस पनि हाम्रै हो, शेना पनि हाम्रै हो,लोकतन्त्र जिन्दाबाद ,हुकुमी सरकार मुदाबाद भन्दै पुलीस र शेनालाइ पनि लोकतन्त्रको पक्षमा उभीन आब्ह्वान गरेपछी केहि स्थानबाट पुलीसले पनि लोकतन्त्रको पक्षमा आफुहरु रहेको जानकारी बिज्ञप्ती मार्फ जनाएका छन । इन्सेक अनलाइनका अनुसार पूर्वाञ्चलमा कार्यरत प्रहरी नायब निरीक्षकदेखि तल्लो दर्जाका प्रहरी अधिकृत तथा जवानहरुले ०६२ चैत ३० गते एक अपिल जारी गरी लोकतन्त्र बहाली गर्न सम्पूर्ण प्रजातन्त्रवादीलाई सहयोग गरौं भन्दै सात राजनीतिक दलको आहृवानमा जारी संयुक्त जनआन्दोलनप्रति ऐक्यबद्धता प्रकट गरेका छन् । हाम्रो अपील नाम दिई टाइपराइटरमा टाइप गरिएको सो अपिलमा २१ औं शताब्दीमा लोकतन्त्रको चाहनामा सबै एक ढिक्का भई अघि बढ्न अर्थात तानाशाही परिपाटी एवं हुकुमी शासन पद्धतिको अन्य गर्न संयुक्त सुरक्षाफौजका अधिकृत तथा जवानहरुके ऐक्यबद्धता रहेको उल्लेख गरिएको छ । नेपाल प्रहरीभित्र शोषक, सामन्ती र हैकमवादले धमिरा लगाइसकेको जनाउँदै तल्लो तहका कर्मचारी जागिर जाने, कारवाही गरी दुर्गम जिल्लामा सरुवा गरिदिने परम्परा, डर तथा हकहित र सेवासुविधाको विषयमा बोल्दा गुटबन्दी र राज्यविरोधीको संज्ञा दिई विषेश अदालत गठन गरी पहुँचवालाको मनोमान्य हुने हुँदा राज्यभित्र प्रभुत्व जमाउनेको डरधाकले गर्दा खुलेर लोकतन्त्र बहालीमा लाग्न सकेकोतर्फध्यानाकर्षा गराइएको छ । अपिलमा जनपद प्रहरी, शाही नेपाली सेना तथा सशस्त्र प्रहरीमा कार्यरत सम्पूर्ण अधिकृत र जवानहरु आफ्नो हक तथा पाउने सेवासुविधाको जगेर्ना तथा रक्षाका लागि लोकतन्त्र बहाल गर्न आ-आफ्नो बुद्धि र विवेकले भ्याएसम्म सम्पूर्ण प्रजातन्त्रवादी पार्टीमाथी दलहरुलाई सहयोग गर्न र आफू ड्युटीमा जाँदा मर्यादित ढंगले संगठनको छवि नधमिल्याई स्वच्छ, पारदर्शी र जिम्मेवार बनी त्रुटीरहित ड्युटी गर्न भनिएको छ । अपिलको अन्तमा प्रहरी जनताका सेवक हुन् भन्ने मूलमन्त्र नबिर्सी जनता कुट्ने, मार्ने कार्यमा कदापि संलग्न र सहभागी नबन्न र सत्य सेवा सुरक्षणको मूलमन्त्रलाई शिरोधार्य गर्न आहृवान गरिएको छ ।

पूर्ण लोकतन्त्र बहालीको माग गर्दै शुरुभएको जनआन्दोलनको आज दशौं दिन हो । देशभित्र सन्चालीत आन्दोलनमा डाक्टर, शिक्षक, वकील, इन्जिनियर, सरकारी कर्मचारी , केटाकेटी ,बृद्ध, महिला, सबैले आफ्नो सहभागीता जनाइरहेका छन र त्यस्कोलागी छातीमा गोली थाप्न पनि पछी परेका छैनन । देशको अलावा जहाँ जहाँ नेपालीहरु पुगेका छन त्यहाँ त्यहाँ बाट आन्दोलन प्रती एकेबद्धता जनाउँदै आबश्यक सहयोग समेत जुटाउने काम हुदैछ । अमेरीका, जापान, बेल्जीयम, बेलायत, कोरीया, कतार, लगायत अन्य धेरै देशबाट ज्ञानेन्द्रको प्रत्यक्ष सासनको बिरोध भइरहेको छ । यसै क्रंममा हिजो बेलायतमा पनि बिरोध जनाउँदै नेपाली जनताहरु प्लेकार्ड , ब्यानर सहित सडकमा जम्मा भएर लोकतन्त्रको पक्षमा हस्ताक्षर गरे । नमस्ते ब्लगका ब्लगर शेखर भटर्राईले देवदासलाइ उक्त अबसरमा खिचीएका केहि फोटाहरु हिजै प्रेशण गर्नु भएको थियो तर समय अभाबले आज मात्र रत्नपार्कमा राख्दैछु । फोटाहरु हेन भित्र प्रबेश गर्नु होला । (more…)

नगर चुनाबमा उठेर कोही माओवादीको सिकार भइसके, कोही शाहीसेनाको सरणमा बाँचीरहेका छन । कोहीले आफ्नो उम्मेद्दारी फिर्ता लिए , कोही भारतमा गएर बसेका छन ज्यान जोगाउन , भने कोही पुलीस र शेनाको सुरक्षामा मोटरसाइकल र्याली निकालीरहेका छन । तर देवदास अचम्म मान्दै सोच्छ यदी आफ्नै सुरक्षामै खतरा हुँदाहँदै के को लागी चुनावमा उठेका होलान । ल आज त ठिकै छ शेनाले सुरक्षा देला तर चुनावपछि त अवस्यपनि सुरक्षा दिदैन। त्येसवेला फेरी यीनीहरुले आफ्नो पदबाट राजीनामा दिनु त छँदैछ । गजब त देवदासलाइ त्येती बेला लाग्यो जब उस्ले एउटा वेवसाइटमा आफुलाइ भोट दिनु भन्दै एक २३ बषिर्य युवाले आव्हान गरेको देख्यो । भरतपुर नगरपालीकाको मेयर पदका लागी उम्मेद्दारी दिएका अनिल अधिकारीले आफ्नो वेभसाइटलाइ चुनाव प्रचार प्रसार गर्ने माध्यम बनाएका छन । त्येस्मा उनले आफ्नो अन्तर्वार्ता , आफ्नो विबरण , चुनावी घोषण पत्र , आदी इत्यादी राखेका छन । चुनाव चिन्ह साइकल लिएर उठेका अनिलले गफ चाँही बहुत ठुला ठुला दिएका छन मानौ उनि पेसेवर राजनितीज्ञ हुन । उनको बारेमा सम्पूर्ण कुरा जान्नको लागी तपाँइ यो लिंक मा गएर पढ्न सक्नुहुन्छ । २६ गते हुन लागेको राजाको यो नाटकमा सबै कलाकार हरु ब्लगर उमेश श्रेष्ठले भने जस्तै रावडीदेवीहरु जस्तै होलान भन्ठानेको त कोहि अली जोस जाँगर भएका र अध्ययन गरेका पनि रहेछन तर के गर्नु यो जोस जाँगर र बुद्दी लोकतन्त्र ल्याउनतिर लगाएको भए छिटै नेपालमा लोकतन्त्र आउने थियो कि - ल है अनिल जी एक पटक सोच्नु पर्यो ।
घोषणापत्र र अन्तर्वार्ता भित्र छ । (more…)

काठमाडौं, माघ १५/ने.क.पा.-माओवादी) उपत्यका व्युरो कार्यालयका तर्फाट क.प्रभाकिरणले एक प्रेस विज्ञप्ति जारी गर्दै कथित चुनावमा उम्मेदवार नहुन, चुनाव प्रचार-प्रसार नगर्न र चुनाव सम्बन्धी कुनै पनि कार्यबाट टाढा रहन सवैमा अनुरोध गर्नुभएको छ । विज्ञप्तिमा उहा“ले आफ्नो अनुरोधलाई वेवास्ता गर्नेलाई गम्भीर परिणाम भोग्न पनि तयार रहन चेतावनी दिनुभएको छ ।
यतिखेर ज्ञानेन्द्रको चुनावी नौटंकीमा प्रत्यक्ष अप्रत्यक्ष रुपमा लाग्नु देश र जनताको शत्रु बन्नु हुने उल्लेख गर्दै उहा“ले विज्ञप्तिमा भन्नुभएको छ-”हाम्रो पार्टि ज्ञानेन्द्र शाही द्दारा शाही द्दारा शाहीद्वारा मनोनित काठमाडौं, ललितपुर र भक्तपुर जिल्लाका कथित जिल्ला सभापतिहरुलाई पनि सो पदबाट यही माघ १९ गतेभित्र राजिनामा दिन अपिल गर्दछ । (more…)

माओवादीले तीन महिना र पछि एक महिना थप गरी गरेको चार महिने एकपक्षीय युद्धविराम आजदेखि भङ्ग गरेको छ । माओवादीका अध्यक्ष कमरेड प्रचण्डले आजै एक प्रेस वक्तव्य जारी गर्नुहु“दै युद्धविराम भंग गरेको घोषणा गर्नुभएको छ । एकतर्फी युद्धविरामको अवधीमा गरिएको देशव्यापी हत्या, गिरफ्तारी र पछिल्लो समयमा रोल्पामा गरिएको सैन्य अपरेशन नै युद्धविराम भङ्ग गराउने प्रमुख कारक रहेको कुरा अध्यक्ष कमरेड प्रचण्डको वक्तव्यमा संकेत गरिएको छ । अहिले युद्धविराम भङ्ग भएपनि शान्ति र अग्रगामी राजनैतिक निकासका लागि आफ्नो पार्टी पुनः युद्धविराम गर्न तयार रहेको बताउ“दै अध्यक्ष प्रचण्डले वक्तव्यमा अगाडि उल्लेख गर्नुभएको छ-”बृहत् राष्ट्रिय राजनैतिक सम्मेलन वा गोलमेच सम्मेलनमार्फ अन्तरिम सरकारको गठन र संविधान(सभाको निर्वाचनमार्फ जनतालाई र्सार्वभौम तुल्याउने प्रक्रिया सुनिश्चित भएमा हाम्रो पार्टी कुनै पनि बिन्दुमा पुन युद्धविराम गरी शान्तिपुर्ण राजनैतिक निकासमा योगदान गर्न हमेशा तयार रहनेछ ।” सो वक्तव्यको पुर्ण पाठ यसप्रकार छ ।

नेपाल कम्युनिष्ट पार्टी माओवादी)
केन्द्रीय समिति
प्रेस वक्तव्य
हाम्रो पार्टी तर्फाट तीन महिनामा थप गरिएको एक महिनाको युद्धविरामको अवधि पनि समाप्त भएको छ । बहुदलीय लोकतन्त्रप्रतिको प्रतिबद्धतासहित गृहयुद्धको शान्तिपुर्ण र अग्रगामी राजनैतिक निकासका लागि जिम्मेवारपर्ण पहल भएकै कारण देश, विदेशका लोकतन्त्र र शान्तिका पक्षधर शक्तिहरुबाट युद्धविरामको पक्षमा व्यापक स्वागत (more…)