________

प्रतिनिधि सभाको घोषणा २०६३
शान्तिपूर्ण संयुक्त जनआन्दोलनमा नेपाली जनताले गरेको बलिदान, जीवन-उर्त्र्सग र सहभागिताप्रति उच्च सम्मान गर्दै, स्वतन्त्र र र्सार्वभौमसत्ता सम्पन्न नेपालको राज्यशक्तिको स्रोत जनता रहेको र नेपाली जनताले केही समयअघि शान्तिपूर्ण संयुक्त जनआन्दोलनद्वारा र्सार्वभौमसत्ता र राज्यशक्तिको स्रोत जनतामात्र भएको सत्यलाई स्थापित गर्ने उत्कट अभिलाषा प्रकट गरेको तथ्यालाई ध्यानमा राख्दै, शान्तिपूर्ण संयुक्त जनआन्दोलनमा सात राजनीतिक दलको मार्गचित्र र सातदल-नेकपा -माओवादी) बीचको बाह्र बुँदै समझदारी अनुरुप नेपाली जनताले संविधानसभामार्फ नयाँ संविधान निर्माण गरी लोकतन्त्र, राज्यको पुनसंरचना सहीत समावेशी राज्यव्यवस्था र दिगो शान्ति स्थापना गर्न दिएको जनादेशलाई पूरा गर्ने संकल्प गर्दै, मुलुकको राष्ट्रिय अखण्डता, अविभाज्यता एवं राष्ट्रिय एकतालाई सुदृढ गर्न र्सार्वभौम नेपाली जनताको गहन जिम्मेवारीलाई आत्मसात गर्दै,”राज्यशक्तिको स्रोत नेपाली जनता भएको र नेपालको र्सार्वभौमसत्ता एवं राजकीय सत्ता नेपाली जनतामा नै निहित रहेको तथ्यलाई हृदयङ्गम गर्दै वर्तमान जनआन्दोलनमार्फ् अभिव्यक्त भएको जनभावना एवं आन्दोलनरत सात राजनीतिक दलको गठबन्धनको मार्गचित्रको आधारमा मुलुकमा जारी हिंसात्मक द्वन्द्व लगायत समग्र समस्याहरुको समाधान गर्न” २०६३ बैशाख ११ गतेको राजाको घोषणामा जनआन्दोलनको बलमा स्थापित प्रतिनिधिसभा र्सार्वभौम अधिकार सम्पन्न रहेको स्वीकार गरिएको, २०४६ सालको जनआनदोलनका उपलब्धिहरुलाई रक्षा गर्दै वर्तमान जनआनदोलनका उपलब्धिहरुलाई संस्थागत गरी निरंकुश राजतन्त्रको अन्त्य र पूर्ण लोकतन्त्र स्थापनाको दिशामा अग्रसर हुने जिम्मेवारी ग्रहण गर्न अर्को संवैधानिक ब्यवस्था नभएसम्म सम्पूर्ण अधिकारहरु प्रयोग गर्नका लागि यो प्रतिनिधिसभा र्सार्वभौमसत्ता सम्पन्न भएको घोषणा गर्दछ र राज्यशक्ति यही प्रतिनिधि सभा मार्फ प्रयोग हुने भएकोले देहायको घोषणा गर्दछ ।
१. व्यवस्थापिकाका सम्बन्धमाः
१.१. नेपालको व्यवस्थापिकाका सम्बन्धी सम्पूर्ण अधिकार प्रतिनिधिसभाद्वारा प्रयोग गरिनेछ । कानुन निर्माण गर्ने प्रक्रिया प्रतिनिधिसभाले निर्धारण गरेबमोजिम हुनेछ ।
१.२. संविधानसभाको मार्गमा अघि बढ्ने प्रक्रिया प्रतिनिधिसभाले आवश्यकताअनुसार निर्धारण गर्नेछ ।
१.३. प्रतिनिधिसभाको अधिवेशनको आहृवान र अन्त्य देहाय बमोजिम हुनेछ ।
-क) प्रधानमन्त्रीबाट अधिवेशनको आहृवान र प्रधानमन्त्रीको सिफारिसमा सभामुखबाट अधिवेशनको समापन गरिनेछ ।
-ख) प्रतिनिधिसभाको अधिवेशन चालु नरहेको वा बैठक स्थगित भएको अवस्थामा अधिवेशन वा बैठक बोलाउन वाञ्छनीय छ भनी प्रतिनिधिसभाको तत्काल कायमरहेको पूर्ण संख्याको एक चौथाई सदस्यहरूले सभामुख समक्ष समावेदन गरेमा सभामुखले त्यस्तो अधिवेशन वा बैठक पन्ध्र दिनभित्र बस्ने गरी मिति र समय तोक्नुपर्नेछ ।
१.४. प्रतिनिधिसभाले प्रतिनिधिसभा नियमावली बनाई लागू गर्नेछ ।
२. कार्यकारिणीका सम्बन्धमा
२.१. नेपाल राज्यको सम्पूर्ण कार्यकारिणी अधिकार मन्त्रिपरिषद्मा निहित रहने छ ।
“श्री ५ को सरकार” लाई अव उप्रान्त ” नेपाल सरकार” भनिने छ ।
२.२. प्रतिनिधि सभा सदस्य नरहेकेा ब्यक्ति पनि मन्त्रिपरिषदमा मनोनित हुन सक्नेछन् ।
२.३. मन्त्रिपरिषद् र प्रतिनिधिसभा सभा प्रति उत्तरदायी रहनेछ । मन्त्रिपरिषद र मन्त्रीहरु सामुहिक रुपमा र आफ्नो मन्त्रालयको कामका लागि ब्यक्तिगत रुपमा समेत प्रतिनिधिसभा प्रति उत्तरदायी रहनेछन् । प्रशासन, सेना, प्रहरी लगायत सम्पूर्ण कार्यकारी अंगहरु प्रतिनिधिसभा प्रति उत्तरदायी सरकारको मातहतमा रहनेछन् ।
२.४.सरकारको कार्यविभाजन र कार्य सम्पादन नियमावली मन्त्रिपरिषद्बाट पारित भई प्रतिनिधिसभामा प्रस्तुत गरिनेछ ।
३. सेनाका सम्बन्धमा
३.१ ‘शाही नेपाली सेना’ को नाम परिवर्तन गरी ‘नेपाली सेना’ रहनेछ ।
३.२.राष्ट्रिय सुरक्षा परिषद् सम्बन्धी विद्यमान ब्यवस्था खारेज गरिएको छ । नेपाली सेनाको नियन्त्रण, प्रयोग र परिचालन गर्न प्रधानमन्त्रीको अध्यक्षतामा एक राष्ट्रिय सुरक्षा परिषद् रहनेछ ।
३.३. नेपाली सेनाको प्रधानसेनापतिको नियुक्ति मन्त्रिपरिषद्ले गर्नेछ ।
३.४. सेनाको परमाधिपतिसम्बन्धी विद्यमान व्यवस्था खारेज गरिएको छ ।
३.५. सेना परिचालन सम्बन्धी मन्त्रिपरिषद्को निर्ण्र्ाा३० -तीस) दिनभित्र प्रतिनिधिसभाले तोकेको समितिमा प्रस्तुत भई अनुमोदन हुनुपर्नेछ ।
३.६ नेपाली सेनाको संगठन समावेशी र राष्ट्रिय स्वरुपको हुनेछ ।
४. राजपरिषद्का सम्बन्धमा
राजपरिषद्को विद्यमान व्यवस्था खारेज गरिएको छ । त्यसले गर्दै आएका आवश्यक काम प्रतिनिधिसभाले व्यवस्था गरे बमोजिम हुनेछ ।
५. राजदरबार सम्बन्धमा
५.१. राजगद्दी उत्तराधिकार सम्बन्धी कानुन बनाउने, संशोधन गर्ने र खारेज गर्ने अधिकार प्रतिनिधिसभामा रहनेछ ।
५.२. श्री ५ को खर्च र सुविधा प्रतिनिधिसभाको निर्ण्र्ााबमोजिम हुनेछ ।
५.३. श्री ५ को निजी सम्पत्ति र आयमाथि कानुन बमोजिम कर लाग्ने छ ।
५.४. श्री ५ बाट भए गरेका कामहरुका बारेमा प्र्रतिनिधि सभा र अदालतमा प्रश्न उठाउन सकिनेछ ।
५.५ विद्यमान राजप्रासाद सेवालाई निजामति सेवाको अंग बनाइने छ ।
५.६. राजदरबारको सुरक्षा प्रबन्ध मन्त्रिपरिषद्ले व्यवस्था गरेबमोजिम हुनेछ ।

६. मुलुकमा रहेको नागरिकताको समस्यालाई शीघ्र समाधान गरिने छ ।

७. प्रचलनमा रहेको ” राष्ट्रिय गान” लाई बैकल्पिक ब्यवस्था गरी परिवर्तन गरिनेछ ।
८. नेपाल धर्म निरपेक्ष राज्य हुनेछ ।
९. विविध -क)
राज्यका सवै अंग र निकायले यसै प्रतिनिधिसभाबाट अधिकार पाएको सम्झी यस प्रति निष्ठावान रही सबैले आफ्नो अधिकार प्रयोग गर्नुपर्नेछ ।
-ख) तोकिएका र्सार्वजनिक पद धारणा गर्ने पदाधिकारीहरुले प्रतिनिधिसभाबाट तोकिएको ढाँचामा तोकिएको शपथ लिनेछन् । शपथ लिन इन्कार गर्ने अधिकारी पदमुक्त हुनेछन् ।
-ग) यस घोषणासँग बाझिने नेपाल अधिराज्यको संविधान २०४७ र प्रचालित अन्य कानूनका ब्यवस्थाहरु बाझिएको हदसम्म अमान्य हुनेछन् ।
-घ) यो घोषणाको कार्यान्वयनमा आइपर्ने कुनै पनि बाधा अड्काउ प्रतिनिधिसभाले निर्ण्र्ाागरी फुकाउन सक्नेछ ।
-ङ) उपरोक्त खण्ड-ग) र -घ) को प्रयोजनका लागि प्रतिनिधिसभामा एक समिति रहनेछ ।

आजपनि त्यहीबार हो जुन बार दरबारको प्रिय बार हो । यो बारको साइतमा दरबारबाट केकती कार्यहरु भए त्यो त भनिरहनु नपर्ला ? राजा आफुले घुँडाटेके पनि ज्योतिषीमाथी चाँही अझैपनि बिश्वास गरीरहेका छन । आफ्नालागी जतीनै अशुभ भए पनि प्रतिनिधी सभाको पहिलो बैठक त्यही शुक्रबारको साइत पारेर बस्ने घोषणा गरेका छन । शाही सरकार नढलुनजेल सम्म बाह्रबँदे सहमती अनुसार माओबादीसँग सहकार्य गरेर जाने भन्ने राजनितीक दलहरु आजदेखी फेरी माओबादीसँग बार्तागर्ने भन्न थालेका छन । यो बार्तागर्ने भन्ने कुरा कहाँबाट आयो - जब नयादिल्लीबाट उनिहरु पहिलानै बार्तागरेर सम्झौता गरेर आइसकेका छन भने अब फेरी के समस्या रह्यो र बार्ता गर्ने ? हिजोसम्म निशर्त संबिधानसभाको घोषण गर्ने भन्ने दलहरुले अब पहिला हतीयार बिसाउने र्सत राख्ने संभाबना पनि उत्तिकै छ । हिजो माधबकुमार खुल्लामन्चमा भन्दैथिए प्रधानमन्त्रीले सपथग्रहण राजाबाट हैन खुल्लामन्चका जनताको बिचमा बसेर गर्ने भनेर तर गिरीजा आज दरबारमै गएर सपथग्रहण गर्ने सम्भावना बढेको छ । यत्रो जनआन्दोलनको प्रतिफलस्वरुप आएको यो खुसिको क्षणमा हिजो गिरीजा आँफै अनुपस्थित हुनु , राजदरबारले गिरीजालाइ प्रधानमन्त्रि फेरी नेपालको संविधानको धारा पैंतीसको एक अनुसारनै भएको घोषणा गर्नु अलि अपाच्य भएको अनुभब छ देवदासको । राजाले पुन प्रतिनिधीसभा ब्युझाएको घोषणा गर्न संविधानको कुनै धार प्रयोग गरिएन भने प्रधानमन्त्री नियुक्त गर्दा कहाँबाट फेरी त्यही बाह्रमासे धारा आयो ? होशीयार,साना साना कुराहरुबाटै हो कुरा बिग्रदै जाने । आज शुक्रबारको जुन प्रतिनीधीसभा बस्दैछ त्यो नेपालको संबिधानभन्दा माथी उठेर बस्दैछ । आजको सभामा जे जे घोषणा गरिन्छ त्यहीनै संविधान बन्ने छ र सत्रजना सहिदको सम्मान हुनेछ तर्सथ होशियार आजको शुक्रबारलाइ नेपालको इतिहाँसमा स्वतन्त्रताको बार तथा शुभबार भनेर चिनाऔं हैनभने नेपालको लागी हरेका शुक्रबार कालोबारका रुपमा स्थापित हुनेछ ।

आज गाँजा, भाङ, धतुरो, जे खाएपनि छुट छ । अन्य दिनमा खाँदा यो लागुपदार्थ ठहरिन्छ र कानुनी सजाय पनि भोग्नुपर्छ तर आज खाएमा यो प्रसाद ठहरिन्छ । सायद आजको दिनमा यो लागुपदार्थ हो भनेर किटान गर्ने कानुनको धारा निस्कृय हुन्छ अथवा शिवको शक्तिले गर्दा एकदिनको लागी भएपनि फ्री हुन्छ । काठमाण्डौका युवाहरुलाइ त आज वडा दशै नै हो । वर्षदन पशुपती नजानेहरुपनि आजको दिनमा पशुपती पुगेकै हुन्छन । शिवको दर्शन गर्ने कुरा त त्यस्तै हो तर भारत बाट आएका नांगाहरुको दर्शन गर्न चाँही चुकाउँदैनन । यदी तपाँइ बिदेशमा हुनुहुन्छ र शिवको दर्शन गर्न चाहेर पनि पाउनु भएको छैन भने देवदासले अनलाइन बाटै शिवको दर्शन गर्न सजिलो होस भनेर शिवको मन्दिर रत्नपार्कमा राखेको छ यहाँ क्लिक गरेर शिवको दर्शन गर्न सकिन्छ तर भाङ , धतुरो, गाँजा चाँही देवदासले उपलब्ध गराउन सक्दैन है , जय शम्भो

Valentine’s Day
Is a wonderful way
To make “I love you”
Easy to say.

आज देखी शुरुभएको नेपालको राष्टिय चाड नेपाल बन्दको पहिलो दिनमा देवदास सम्पूर्ण नेपाली हरुलाइ नेपाल बन्द को शुभकामना दिन्छ किनकी चाहे पनि नचाहे पनि बाध्यताबस नेपाली क्यालेण्डरमा यो चाडले राम्रैसँग डेरा जमाइ सकेको छ । अब हाम्रो मुख्य चाडहरुमा दँसे , तिहार पछी तेस्रोमा नेपाल बन्द नै पर्न आँउछ । जस्ले गरे पनि , जैले गरेपनि , कारण जे भएपनि नेपाल बन्द भनेपछि नेपाल बन्द हुन्छनै । नाफा घाटाको हिसाब किताब गर्ने अरुनै छँदैछन । देवदासलाइ पुन अपरिचीत साथीको तर्फाट नेपाल बन्दको भिसीडी प्राप्त भएको छ । केहीबर्षपहिले हरिवंस र मदनकृष्णले नेपाल बन्दको अबसर पारेर प्रस्तुत गरेको स्टेज प्रोग्राम नेपालबन्द लाइ देवदासले रत्नपार्कमा राखेको छ । यो प्रोग्रामलाइ पनि अपरिचीत साथीले अपलोड गराएर मलाइ जानकारी दिनुभएको हो । हुन त उहाँले यो कुरा हिजै इमेल गरेर भन्नुभएको थियो तर समयको अभाबका कारण देवदासले राख्न भ्याएको थिएन । आज अलिकती समय निकालेर रत्नपार्कमा राखेको छ । यसमा हरिवंश ले हाम्रा भुपु प्रधानमन्त्री कृष्णप्रसाद भट्टराइ को भुमीका निभाउनु भएको छ र मदनकृष्ण ले एक साधारण नागरीकको भुमीका निभाउनु भएको छ र उँहा आफ्नी सुत्केरी हुन लागेकी श्रीमतीलाइ अस्पताल लानेक्रमामा जुद्दशमसेरको सालीक अगाडी नयाँ सडकमा पुव प्रधानमन्त्रि किशुन जी सँग भेट हुन्छ जुन दिन नेपाल बन्दको दिन हून्छ । अब किशुन जी र मदनकृष्ण बिचमा के संवाद हुन्छ र मदन कृष्णकी श्रीमतीले के जन्माउँछिन त्यस्कोलागी यो भिडीयो हेर्नुहोस । भिडीयो यदी लगातार प्ले भएन भने केहिबेर पुस बटनमा क्लिक गरेर पुरा डाउनलोड गर्न दिनुस त्यसपछि पुन प्ले गर्नुस अनि आरामले नेपाल बन्द हेर्नुस है त?
विविध कारणले प्रस्तुत भिडीयो यहाँ राख्न नसकेको हुँदा यहाँ क्लिक गरेर सम्बन्धित साइटमा गएर हेन सकिन्छ ।

आजको शुक्रबारमा पनि केही दुर्घटना हुनसक्ने सम्भावना थियो तर हल्का लाठी चार्ज र अश्रुग्याँसमा दिन बित्यो । एक महिने भ्रमण पश्चात देश भित्रीएका राजा त्यो पनि शुक्रवारको साइत पारेर, त्यहीमाथ एमालेको इज्जत सँग जोडिएको आमसभा, आमसभा भाँड्नलाइ तयार रहेका मण्डले हरु , आमसभा असफल बनाउन लागीपरेको शाहि सरकार ,आदी इत्यादीको विचमा रहेर पनि आजको शुक्रबार सफल भयो नेताहरुको लागी तर सँधै सफल हुदै आएको शुक्रवार दरवारको लागी भने अशुभ भयो । बिचरा पारसको गाडीले जनताका ढुंगा खानुपर्यो , स्वागत गर्न बसेका जनताको बिच बाट “युवाहरु के भन्छ ? गणतन्त्र ले भन्छ” आर्यघाट के भन्छ ? ज्ञाने पारस ले भन्छ, जस्ता दिलनै दुखाउने नारा राजाले श्रवण गर्नु पर्यो । जे होस जनतामा अझै पनि तातो रगत रहेछ भन्ने कुरा आजको एमालेले आयोजना गरेको आमसभा बाट प्रष्ट भयो । धेरै समयपछि देवदासले यो मानवसागर काठमाण्डौमा उर्लिएको आज देख्यो ।जम्मा भएका जनतालाइ नाप्ने यन्त्र नभएपनि असी हजारको हाराहारीमा (more…)

अपडेट–
यदी तल दिएको लिंक खुलेन भने यहाँ क्लिक गरेर आउने अर्को पेजमा डाउनलोड लेखेको ठाँउमा गएर डाउनलोड गरेर यो अन्तर्वार्ता सुन्न सक्नुहहुन्छ ।

आज दिनभर काडमाण्डौमा एउटै कुरा चार्चामा रह्यो त्यो हो
बी बी सी मा प्रचण्डको अन्तर्वार्ता बज्ने भन्ने । तर्सथ शाही सरकार सासै नफेरी लाग्यो त्यो अन्तर्वार्तालाइ नेपालमा भित्रिन बाट रोक्न तर गरिब बुद्दिले भरिएको सरकारको त्यो अन्तर्वार्तालाइ रोक्न केहि सिप नलागे पनि उस्ले छोड्न चाँही कुनै कसर छोडेन । बी बी सी को समाचार रीले प्रसारण गर्दै आएको सगरमाथा एफ एम माथी सरकारका आँखा पहिला गए र त्यहाँ गएर रिले प्रसारणगर्ने केहि उपकरणहरु जफत गर्यो र पछि त्याँहा भएका पाँचजना लाइ समेत गिरफ्तार गर्यो । जसमा एक जना पत्रकार दुर्गा कार्कीलाई छाडिएको छ। बाँकी तीन पत्रकार दीपकबाबु अर्याल, पुण्य भण्डारी, दीपकराज पाण्डे र एक जना टेक्निसियन राजेन्द्र रिजाल अझै जिल्ला प्रहरी कार्यालय, ललितपुरमा नै हिरासतमा रहेका छन्। केहि दिन पहिले कान्तिपुर एफ एम को पुवान्चल प्रसारण बन्द गराएर उक्त प्रसारणको लागी प्रयोग गरिने उपकरण उठाएर लगेको थियो । अहिले आएर दक्षीण एसियकै प्रथम सामुदायीक रेडियो बन्द गर्यो र पत्रकार लाइ समेत गिरफ्तार गरेर लग्यो । त्यतीमात्र कहाँ हो र बी बी सी नेपाली सेवाको वेभ साइट पनि ब्लक गरिदियो । गजबको कुरो त के छ भने सगरमाथा एफ एम ले प्रचण्डको अन्तर्वार्ता प्रसारण गर्नु पुवनै त्यहाँ ताला लगाइदियो अब तपाँइनै भन्नुस अन्तर्वार्ता प्रसारण गरेकै छैन त गल्ती कहाँनिर भयो । देवदासले केहिदिन पहिले देखी सोचीरहेको थियो केहिदिन भित्र केहि न केहि गडबडी हुनेछ भनेर नभन्दै भयो पनि किन थाहा छ , जब जब राजा बिदेश जान्छन तब तब यहाँ कुनै न कुनै दुघटना घटिहाल्छ (more…)

एकदिन बन्दगरेर खोलीएको मेरो संसार लाइ संधैका लागी बन्द गराउन असफल भएपछि तिनै तत्वहरुले ब्लगर उमेश श्रेष्ठलाइ अहिले धम्किले भरिएका इमेलहरु पठाउन थालेका छन सायद यो उनिहरुको अर्को प्रयास होला मेरो संसारलाइ बन्द गराउने तर उनिहरु को हुन के चाहन्छन त्यो भने र्सार्बजनिक भएको छैन । यदि उनिहरुमा अलिकती पनि सोच्ने क्षमता छ र अलीकती आफुलाइ बौद्दिक हुँ भन्ने देखाउन चाहन्छन भने यो धम्किको भाषा सुँहाउदैन उनिहरुलाइ ।जब जब मान्छे कलम सँग डराउन थाल्छन तब तब उनिहरु हतियारको सहारा लिन पुग्छन । आज धम्किले भरिएका जति इमेलहरु जस्ले उमेशलाइ पठाइरहेका छन उनिहरु आफ्ने नाम लेख्न पनि सक्दैनन तर्सथ आफ्ने नाम सम्म लेख्न नसक्ने काँतरले अरुलाइ धम्क्याउन सुहाँउदैन । जो मान्छे सामु पर्न सक्दैन त्यस्ताले पछाडी बाट आक्रमण गर्ने कोशिस पनि गर्नु हुदैन । ब्लगसमले दिएको निशुल्क सेवाको प्रयोग गरेर संचालन गरेको ब्लग आज बन्द भए भोली सयौं त्यस्ता ब्लग खोल्न सकिन्छ । आज एउटा मेरो संसार बन्द गरें भनेर संखघोष नगरौ भोली सयौं मेरो संसार खुल्नेछन । यदि कसैलाइ उमेशको लेखबाट पिडीत बनाएको छ भने उमेशलाइ ब्यक्तिगत रुपमा भेटेर समास्याको समाधान गर्न सकिन्छ ।यदि कसैले इन्टरनेटको गलत फाइदा उठाएर उमेशलाइ ब्लफ गरिरहेको हो भने यो ठुलो भुल हुनेछ उस्कोलागी जस्ले यो निचकार्य गर्ने कोशिस गर्यो ।देवदास आशा गर्छ भोली देखी पुन मेरो संसार सन्चालनमा आउने छ र जस्ले धम्क्यउने कोशिस गर्यो उसलाइ श्री पशुपति नाथले सदबुद्दि दिनेछन भन्ने ।

मंसिर ८ गते बुधबार
अपडेट -आजदेखी मेरो संसार पुन सन्चालनमा आएको छ । उमेश श्रेष्ठ र अन्य केही शुभचिन्तकहरुको आग्रह पछि ब्लगसम सन्चालकहरुले उनको ब्लगलाइ पुन खुल्ला गरीदीएका छन र जस्ले उनको बारेमा कम्प्लेन गर्यो उक्त ब्यक्तिले उमेश श्रेष्ठलाइ एक इमेल पनि पठाएका रहेछन । पुरा जानकारीको लागी
यहाँ क्लिक गरेर मेरो संसारमै गएर पढ्न सकिन्छ ।
मंसिर ७ गते मंगलबार
नेपाली भाषाको प्रथम ब्लग मेरो संसार लाइ चाइल्ड प्रोनोग्राफीको आरोप लगाउदै ब्लगसम सन्चालक समक्ष उजुरि गरेर योजनाबद्द रुपमा षडयन्त्र गरी आजदेखी बन्द गरिएको छ । हिजोको अंकमा यौनमा उदारपन र खुलापनका नाममा नेपालका बालबालिकाहरु कति हदसम्म गइसकेका छन् भन्ने पासवर्ड प्रोटेक्ट ब्लग मेरो संसारमा ब्लगर उमेश श्रेष्ठले लेखेका थीए ।
तर कुरा चाइल्ड प्रोनोग्राफीको हैन किनकी केही समए पहीले देखी मेरो संसारमा उमेशले जती समाचार हरु लेखीरहेका थिए ति समाचार हरुले लोकतन्त्रको आवाज उठाइरहेको थिए र अन्य केही पत्रीकाहरुलाइ पनि समाचार प्रकाशनमा च्यालेन्ज दिइरहेका थिए । मुख्यत बिदेशमा बस्नेहरुको लागी उनले ब्लगमा अडियो भिडीयो समेत राखेर जनताहरु शाही सरकारलाइ लडाउन कसरी लागीपरेका छन भनेर प्रत्येक्ष प्रसारण गरीरहेका थिए । हरेक नागरीक सभामा भएका भाषण कबिता वाचन देखी लिएर राजाको बारेमा पनि सकेसम्म समाचार दुनिया सामु पस्कीरहेका थिए । उनको ब्लगबाट साच्चै भन्नुपर्दा लोकतन्त्र बिरोधीहरु , केही अनलाइन पत्रीकाहरु , र केही उनका अतीतमा कामगरेका संस्थाहरु पनि उनको डाहा गरीरहेका थिए । अबसर खोजीरहेका यिनै पक्षहरुले हिजोको समाचार लाइ बहाना बनाएर उनको ब्लगलाइ ब्लक गर्न जुन कोसीस गरे त्यो साह्रै गरीब मानसीकताको उपज हो भन्ने देवदास ठान्दछ । जो आफु केही गर्न सक्दैन उ अरुले केही गरेको पनि देख्न सक्दैन भन्ने नेपाली उखान लाइ प्रमाणीत गरे मेरो संसारलाइ ब्लक गराएर । त्यस्ता जनवारहरुलाइ नेपालीमा बाँदर भनिन्छ र यो जुन कामगरे त्यो अबस्यपनि तिनै बाँदरको समुहले गरेको हो । देवदास चाहन्छ कि ब्लगसम सन्चालकहरु त्यो पासवर्ड प्रोटेक्ट ब्लग लाइ आफ्नै माध्यमबाट अनुबाद गरेर राम्रोसँग अध्ययन गरुन र निर्नय गरुन के साँच्चैनै त्यो समाचारले चाइल्ड प्रोनोग्राफी गरेको छ ? हाम्रो समाजमा आज घटेको यौटा घटनालाइ समाचारका माध्यमबाट प्रकाशन गरेर जनतालाइ सुसुचित गराउनु कहाँ को चाइल्ड प्रोनोग्राफी हो ? जुन कुरा उमेशले लेखे त्यो कुनै काल्पनिक थिएन र ब्यापारका लागी लेखीएको पनि थिएन । भोली हाम्रा अगाडी जुन जुन घटनाहरु घट्छन ती घट्नाहरु हामीले लेख्न, पढ्न पनि नपाउने ? देवदास आशा गर्छ यो समाचारलाइ ब्लगसम संचालकहरुले राम्रो सँग अध्ययन गरुन र छिटो भन्दा छिटो मेरो संसारलाइ पुन खुल्ला गरुन । र ज जस्ले यो दुस्साहस गरे ति तत्वहरुले गरेको यो नित्कृष्ट कार्य प्रती देवदास घोर आपत्ति गर्दछ ।
रत्नपार्क बाट देवदास

अहिले उनको ब्लग बन्द भएपनि उनको वेभसाइड हेन सकिन्छ जहाँ उनले यो जानकारी गराएका छन र छिटै पुन ब्लगसममा आउने जानकारी गराएका छन ।

बडादसैँको नवौँ तथा दसौँ दिन आज अधिराज्यभर शक्तिस्वरूपा दुर्गा भवानीको पूजा आराधना तथा आफ्ना मान्यजनहरूबाट टीका र जमरा लगाई अधिराज्यभर महानवमी तथा विजयादशमी पर्व हर्षोल्लासका साथ मनाइँदैछ। यस वर्षमहानवमी र विजयादशमी एकै दिन परेकाले विजयादशमीका दिन लगाइने टीका आज दिउँसो एक बजेर २५ मिनेटको साइत उत्तम रहेको नेपाल राजकीय पञ्चाङ्ग निर्णायक समितिका अध्यक्ष नायब बडागुरुज्यू डा. माधप्रसाद भट्टराईले बताउनुभएको छ। हिजो बेलुका कालरात्रिको पूजा गर्ने र आज बिहान महानवमीको पूजा गरेर ११२५ बजेको साइतमा विजयादशमीको पूजा विर्सजन गर्नुपर्ने पनि उहाँले जानकारी दिनुभयो। घटस्थापनाका दिन आ-आफ्ना घरमा विधिपूर्वक राखिएको जमरा महानवमीका दिन विभिन्न शक्तिपीठहरूमा चढाइने चलन रहेको छ। यस उपलक्ष्यमा आज दसैँघर र कोतलगायत (more…)

असोज २५ गते मंगलबार

बडादसैँको आठौँ दिन आज अधिराज्यभर दुर्गा भवानीको पूजा आराधना गरी महाष्टमी पर्व मनाइँदैछ। आज दसैँघर र कोतलगायत अधिराज्यका विभिन्न शक्तिपीठमा बलिसहित पूजाअर्चना तथा दुर्गा सप्तशती पाठ गर्ने गरिन्छ।काठमाडौँ उपत्यकाभित्रका शक्तिपीठहरू दक्षिणकाली, गुहृयेश्वरी, मैतीदेवी, कालिकास्थान, नक्साल भगवती, भद्रकाली, शोभाभगवती, विजेश्वरी, इन्द्रायणी, रक्तकाली, बज्रयोगिनी, सङ्कटा, बज्रबाराहीलगायतका मन्दिरहरूमा पनि बलि चढाउने र पूजा आराधना गर्नेहरूको बिहान सबेरैदेखि घुइँचो लाग्छ। यसैगरी गोरखाको मनकामना, वीरगन्जको गहवामाई, सप्तरीको छिन्नमस्ता भगवती, जनकपुरको राजदेवी, डँडेल्धुराको उग्रतारालगायतका मन्दिरहरूमा पनि शान्तिस्वरूपा भगवतीको पूजाअर्चनाका लागि यस उपलक्ष्यमा विशेष भिड लाग्छ।महाष्टमीकै अवसरमा आज दसैँघर तथा जमराकोठामा दुर्गाभवानी, महाकाली, महासरस्वती र महालक्ष्मीको प्रतीकका रूपमा चामल, द्रव्य, जनै, सुपारी, फलफूल र नैवेद्यसहित नौ थुप्रा राखी दुर्गापूजा गर्नाका साथै कलपर्ुजा, हातहतियार र सवारी साधनहरूलाई सफासुग्घर गरी बलिसहित पूजा गरिन्छ। पशुबलि नचढाउनेहरू पनि आजको दिन जमराकोठामा घिरौँला, कुभिन्डो, मूला आदि बलि दिई दुर्गाभवानीलाई खीर, नरिवल चढाउने गर्छन्।हनुमानढोकाको दसैँघरमा आज मध्यरातमा शक्तिरूपिणी दुर्गाभवानीको पूजाअर्चना र हर्षबढाइँका साथै ५४ राँगा र ५४ बोकाको बलि दिई कालरात्रि मनाइने चलन छ। नेवारहरूमा विशेषगरी बज्राचार्य, शाक्य, मानन्धरलगायतका जातिहरूमा पनि आजको दिन दुर्गाभवानीको पूजाआजा गर्ने चलन छ। यसवर्ष महानवमी र विजयादशमी एकै दिन परेकाले आज बिहानै महाष्टमीको र बेलुका कालरात्रिको पूजा गर्ने, भोलि बिहान महानवमीको पूजा र त्यसपछि ११२५ बजेको साइतमा विजयादशमीको पूजा विर्सजन गर्नुपर्ने नेपाल राजकीय पञ्चाङ्ग निर्णायक समितिका अध्यक्ष नायब बडागुरूज्यू डा. माधवप्रसाद भट्टराईले बताउनुभएको छ। उहाँका अनुसार विजयादशमीका अवसरमा लगाइने टीकाका लागि असोज २६ गते दिउँसो एक बजेर २५ मिनेटको साइत उत्तम रहेको छ।

असोज २४ गते सोमबार
रत्‍नपार्क– बडादसैँ अर्न्तर्गत सप्तमी तिथिमा आज अधिराज्यभर परम्पराअनुसार घरघरमा फूलपाती भित्रयाइँदैछ ।दुर्गा भवानीको प्रतिमा राखिएको दसैँघरमा फूलपातीको शुभ-साइतको प्रतीकका रूपमा उखु, अदुवा, केराको बोट, धानको बाला, बेलपत्र, दारिम, जयन्ती, अशोकको पात, फलफूल तथा अन्य नयाँ पालुवासमेत विधिपूर्वक भित्रयाइन्छ ।आज अपराहृन टुँडिखेलमा बढाइँ हुनासाथ गोरखाबाट ल्याइएको फूलपातीलाई विधिपूवक हनुमानढोकास्थित दसैँघरमा भित्रयाइन्छ ।सो फूलपाती गोरखाबाट धादिङको जीवनपुरसम्म दसैँघरका पुजारीसहित मगरजातिका छजनाले ल्याउने र त्यहाँबाट काठमाडौँको जमलसम्म काठमाडौँबाट गएका बाहुन जातिका छजनाले ल्याउने परम्परा रहेको छ ।हर्षबढाइँका साथ फूलपाती भित्रयाउन गुरुज्यूको पल्टन, शाही नेपाली सेना, नेपाल प्रहरी, राजप्रासाद सेवा र निजामती सेवाका उच्चपदस्थ अधिकारीहरू, आशागुजा टोली, ब्यान्डबाजा, पञ्चेबाजा, सिङ्गारिएका कल्स्यौडीहरू र साँस्कृतिक नाचगानसहितको लावालस्करको टोली हनुमानढोकाबाट जमल प्रस्थान गर्दछ । घटस्थापनाका दिनदेखि दसैँ सुरु हुने भए पनि दसैँको विशेष चहलपहल भने फूलपातीका दिनदेखि नै सुरु हुन्छ । फूलपातीदेखि सरकारी कार्यालय बन्द हुने भएकाले अध्ययन, व्यवसायलगायत विभिन्न कारणवश आफ्नो मूलघरबाट टाढा रहेका व्यक्तिहरू सपरिवार बसेर दुर्गा भवानीको टीका थाप्न आ-आफ्ना घर र्फकने क्रम आजदेखि अझ तीव्र भएको छ ।