आज बेलुकी एस.एल.सी.को नतिजा प्रकाशित हुने
काठमाडौं, असार २१
उच्च शिक्षा अध्ययनका लागि विद्यार्थीहरुको फलामे ढोका मानिने एस.एल.सी. परीक्षाको नतिजा बुधवार साँझ प्रकाशित हुने भएको छ । बुधवार अपरान्ह ४ बजे एस.एल.सी. परीक्षा नियन्त्रण बोर्डको बैठक बसेपछि साँझ ६:०० बजे पत्रकार सम्मेलनमार्फ नतिजा र्सार्वजनिक गरिने परीक्षा नियन्त्रक गजेन्द्रलाल प्रधानले जानकारी दिनुभयो ।नियन्त्रक प्रधानका अनुसार दुइ विषयमा अनुत्तर्ीण्ा हुने विद्यार्थीहरुका लागि मौका परीक्षाको समयतालिका पनि बुधवार नै प्रकाशित गरिनेछ । विगतमा जस्तै परीक्षामा सर्वोत्कृष्ट र छात्रातर्फसर्वोत्कृष्ट हुनेको मात्रै नाम र्सार्वजनिक गरिने जानकारी पनि उहाँले दिनुभयो ।यसरी पत्रकार सम्मेलनमार्फ एस.एल.सी.को नतिजा प्रकाशन गर्न लागिएको यो पहिलोपटक हो । राती १२:०० बजे परीक्षाफल प्रकाशित गर्ने परम्परालाई पनि यसपटक तोडिएको छ ।०६२ चैत्र १४ गतेदेखि सुरु भएको यसवर्षो एस.एल.सी. परीक्षामा ३ लाख ३२ हजार १ सय ८१ विद्यार्थी सामेल भएका थिए ।१९ दिनको जनआन्दोलन र केही परीक्षा केन्द्रमा भएको गडबडीका कारण उत्तरपुस्तिका परीक्षणमा बाधा पुगेको हुँदा नतिजा प्रकाशनमा ढिलाइ भएको परीक्षा नियन्त्रण कार्यालयले जनाएको छ ।
गोरखापत्रमा मात्र परीक्षाफल प्रकाशित गर्दा विद्यार्थीहरुलाई समस्या परेको गुनासो आएपछि कार्यालयले यसपटक वेभसाइट, टेलिफोन र एसएमएसबाट पनि नतिजा बुझ्न सकिने व्यवस्था मिलाएको छ । परीक्षाको नतिजा परीक्षा नियन्त्रण कार्यालको वेभसाइट www.soce.gov.np, शिक्षा मन्त्रालयय र विभागको वेभसाइट www.moe.gov.np, www.doe.gov.np र नेपाल टेलिकमको वेभसाइट www.slc.ntc.net.np मा राखिने कार्यालयले जनाएको छ ।यसैगरी टेलिफोनमा १६०० नम्बर डायल गरेर एकैसाथ ३ सय जनाले परीक्षाको नतिजा थाहा पाउन सक्नेछन् ।नेपाल टेलिकमको प्रिपेड र पोष्टपेड मोबाइल, सि.डी.एम.ए. र यु.टि.एल. फोन तथा मेरो मोबाइलबाट एसएमएस र भ्वाइस मेलबाट पनि एस.एल.सी.को नतिजा थाहा पाउन सकिनेछ । स्वतन्त्र समाचार सेवा
गएका महिनाहरु:
