सरकारलाई माओवादी नेताहरुको चेतावनी
कान्तिपुर टेलीभिजनलाई दिनुभएको एउटा अन्तरवार्तामा श्री प्रचण्डले यदि सरकारले संसदलाई सर्वशक्तिमान संस्थाको रुपमा स्थापित गरेमा देशमा अरू वढि रक्तपात हुने चेतावनी दिनु भयो। उहाँले नवगठित सरकारले शान्ति प्रक्रियाको मुख्य मुद्दालाई बेवास्ता गरेको बताउनुभयो।उता नेपालगन्जमा आयोजीत एउटा आमसभामा बोल्दै माओवादीका डेप्यूटी सैन्य कमाण्डर प्रभाकरले श्री कोइरालाले भारत भ्रमणको क्रममा उहाँले यदि संसदीय राजतन्त्र वचाउने संझौता गर्नुभयो भने त्यसबाट दलहरूको अवसान हुने चेतावनी दिनुभयो।प्रभाकरले युद्ध थोपार्न खोज्ने पक्षहरूवाट होशियार रहनु पर्ने वताउनुभयो।सरकार र माओवादी विद्रोहीहरूले शान्ति वार्ताकालागि तीन-तीन सदस्यीय वार्ताटोली गठन गरि पहिलो चरणको छलफल गरिसकेका छन्।तर माओवादी पक्षले सरकारले शान्ति प्रक्रिया भन्दा संसदीय प्रक्रियामा वढि केन्द्रित भएर उनीहरूकै शब्दमा यथास्थितिलाई प्रश्रय दिएको आरोप लगाउने गरेका छन्। माओवादी नेताहरूले वर्तमान संसद २०४७ सालको संविधानमा उभिएको र आफुहरू नयाँ संविधान निर्माणको लागि संसदीय दलहरूसित सहमतिमा पुगेको वताउँदै आएका छन्।तर दलहरूले पुनर्स्थापित संसद जस्तो जनप्रतिनिधित्व गर्ने निकाय नबनिन्जेल प्रतिनिधि सभा रहिरहनु पर्नेमा जोड दिँदै आएका छन्।बीबीसी नेपाली
गएका महिनाहरु:
