प्रतिनिधिसभा नियमावली बुधवार पेश हुने
कठमाडौं,जेठ २३/प्रतिनिधिसभा नियमावली मस्यौदा समितिको मंगलबार बसेको बैठकले नियमावलीलाई अन्तिम रुप दिएको छ । संशोधित प्रतिनिधिसभा नियमावलीलाई बुधवार बस्ने प्रतिनिधिसभाको बैठकमा पेश गरी पारित गरिने बताइएको छ । सो प्रस्ताव पारित भएपछि राजाका अधिकारहरुलाई व्यापक कटौती गर्दै प्रतिनिधिसभाले जारी गरेको घोषणापत्र- ०६३ लाई विधिवतरुपमा कार्यान्वयनमा ल्याउन सजिलो हुने बताइएको छ । नियमावलीमा राजाले संसदमा प्रस्तुत गर्ने गरेको वाषिर्क नीति तथा कार्यक्रम प्रधानमन्त्रीले प्रस्तुत गर्ने, यसअघि ऐन नियमहरुमा राजाबाट लालमोहर लगाइँदै आएकोमा अबदेखि प्रतिनिधिसभाका सभामुखले प्रमाणित गरेपछि राजपत्रमा प्रकाशित हुने, नयाँ राजाको घोषणा प्रतिनिधिसभाको विशेष समितिले गर्ने व्यवस्था नियमावलीमा राखिएको बताइएको छ ।यसअघि आइतवार संसद सचिवालय सिंहदरबारमा बसेको वैठकमा संवैधानिक तथा कुटनीतिक नियोगको नियुक्ति र राजगद्दी उत्तराधिकारी घोषणा गर्ने विशेष समितिको अध्यक्ष को हुने भन्ने विषयमा दलहरुबीच विवाद बढेपछि वैठक बिनानिष्कर्षटुङ्गएिको थियो । नेपाल मजदूर किसान पार्टर्ीी अध्यक्ष नारायणमान बिजुक्छेको संयोजकत्वमा गठित १३ सदस्यीय समितिले विशेष समितिको अध्यक्षता सभामुखले गर्ने प्राबधान समावेश गरी नियमावली तयार गरेको थियो ।बैठकमा नेपाली कांग्रेसले सो समितिको अध्यक्ष सभामुख हुने व्यवस्थामा असहमति जनाएपछि बैठक बिनानिष्कर्षटुङ्गएिको थियो ।स्वससे
गएका महिनाहरु:
