दिल्लीमा दल-माओवादी तेह्रौँ बुँदा बुन्दै
दल-माओवादी बाह्रबुँदे समझदारी र्सार्थक पार्न एक विशेष बुँदा थप्न भारतको राजधानी नयाँदिल्लीमा वार्ता भइरहेको थाहा भएको छ । थपिने भनिएको तेह्रौं बुँदाको सैद्धान्तिक सहमति अघिल्लो दिल्ली वार्तामै आएको थियो। तर त्यसलाई दुवै पक्षले र्सार्वजनिक गर्न चाहेनन् -स्रोत भन्छ । बाह्रबुँदे समझदारीले तीन महिना गुजार्ने क्रममा दुवै पक्षमा अन्यौल बढ्दै गएपछि पुनर्व्याख्या र परिमार्जनका लागि भनेर एमालेका दुइ र कांग्रेसका एक नेता माओवादीसँग वार्ताका लागि दिल्ली गएका हुन् ।
एमालेका झलनाथ खनाल र वामदेव गौतम एवम् कांग्रेसका कृष्ण सिटौला माओवादी हाइकमान्डसँग वार्तामा बसेर तेह्रौं बुँ दामाथि छलफलल गरिरहेको स्रोतले बतायो । स्रोत भन्छ- बाह्र बुँदे मात्रैले निरंकुशता अन्त्यका लागि दल र माओवादीको सङ्र्घष्ालाई समन्वय गर्न सकेन। त्यसैले तेह्रौं बुँदा ल्याउन लागिएको हो । सरकारलाई असफल तुल्याउने प्रमुख अस्त्रका रूपमा तेह्रौं बुँदा आउनेछ -स्रोतको दाबी छ- सरकारलाई कर नतिर्ने, देशभर सरकारी उपस्थिति हुन नदिने संयुक्त कार्यक्रम गर्नेलगायतका आधारभूत कार्यक्रम तेह्रौं बुँदाले ल्याउनेछ । स्रोत अगाडि दाबी गर्छ- तेह्रौं बुँदाले दल र माओवादीलाई समानान्तर सरकारको तयारीमा समेत अग्रसर गराउन सक्छ । दिल्ली वार्तापछि तेह्रौं बुँदा र्सार्वजनिक गर्दै दल-माओवादी समझदारीको आमपालना र त्यसप्रतिको द्विपक्षीय प्रतिबद्धतानिम्ति संयुक्त अपिल जारी गरिने पनि स्रोतको भनाइ छ ।
स्रोत - महानगर
गएका महिनाहरु:
