केही दिन देखी खै किन हो किन केही लेख्नपनि मन लागेको छैन । समयको अभाव त आफ्नै ठाँउमा छँदैछ त्यसमाथी केहि देवदासका शुभचिन्तकहरुले देवदासको रत्नपार्कलाइ कसरी बन्द गराउने भनेर विभिन्न चालहरु चालिरहेका छन । पहिला त इमेल बाट बारम्बार धम्की आउँथ्यो तर आज त शुभचिन्तकहरुले ब्लगसमको कार्यालायमा नै कम्प्लेन गरेर रत्नपार्कलाइ बन्द गराउने चाँजो पाँजो मिलाएछन । भर्खरै एउटा मेल ब्लगसम बाट आयो जसमा कपिराइटको विषयलाइ लिएर ब्लगसमले नै ब्लग बन्द गराउने अन्तिम चेतावनि दियो । दिनभरी काम गरेर बाँचेको थोरै समयलाइ किन यत्तिकै खेर फाल्नु भन्ने अभिप्रायले देवदासले यो निशुल्क प्राप्तभयको साइटमा आफ्नो खाता खोलेर रत्नपार्क सुरु गरेको हो । यो न त समाचारको साइट हो , न त मनोरन्जनको, न त ब्यापारीक साइट हो न त अफिसियल नै । बचेकुचेको समयलाइ सदुपयोग गर्दै आफुलाइ मन लागेका कुराहरु लेख्दै , नजानेको कुरा सिक्दै , एउटा विश्रामस्थल रत्नपार्कलाइ बनाएको थियो तर खै के कुरा मन परेन कुनि शुभचिन्तकहरुलाइ यती धेरै माय गर्न थालेका हुन कुन्नी ? आफुलाइ अमेरिका, जापान, जर्मनी , र स्पेन मा रहेको बताउने र आफुलाइ साह्रै ठुलो बिद्दान भएको घोषण गर्ने सुभ चिन्तकहरुलाइ खै के भनौ ? रत्नपार्कमा देवदासले केहि भीडीयो नराखेको त हैन राखेको हो तर त्यो देवदासका लागी त अबस्य थिएन , थियो त केबल तीनै नेपालीहरुको लागी थियो जो वर्तमान अबस्थामा आफ्नो जन्मभुमी बाट बिबिध कारणले बिछोडीन बाध्य भएका छन , आफ्नो देशबाट धेरै टाढा छन । नेपाली गीत संगीतको बारेमा रुचीराख्ने पारखीहरुको लागी इन्टरनेटमा भेट्टाएका यीनै नेपाली भिडीयोहरुको बारेमा थाहा नपाएकाहरुलाइ जानकारी दिने अभिप्रायले रत्नपार्क मार्फत मीलनको सेतु बन्ने काम मात्र देवदासले गरेको थियो । तर स्वघोसित बिद्दानहरुलाइ यो कुरा पाच्य भएनछ र बारम्बार ब्लगसममा कम्प्लेन गरेपछि ब्लगसम पनि चेतावनि दिन बाध्य भयो जसको फलस्वरुप देवदासलाइ नखाउँ भने दिनभरीको शीकार खाउँभने कान्छो बाउको अनुहार हुन गयो र रत्नपार्क बाट भिडीयोहरु हटाउननै पर्ने भयो । अर्काको ढाडमा चढेर हिंड्नुको बेफाइदा पनि सायद यही होला । गल्ती देवदासबाट पनि भएका होलान , रुल एण्ड रेगुलेसनको फलो गर्नु पनि कर्तब्य हुन आउँछ । केहि पाउन केहि गुमाउनु पर्छ भन्ने सिद्दान्तको पालक हो देवदासपनि तर्सथ रत्नपार्कलाइ माया गरेर कृपादृष्टी गर्ने र घँृणा गरेर गिद्दे दृष्टी गर्ने दुवै वक्षलाइ देवदास स्वागत गर्दछ । जहाँ माया हुन्छ त्यहाँ घँृणा पनि हुन्छ ,जहाँ फाइदाहरु हुन्छन त्यहाँ बेफाइदा पनि उत्तिकै हुन्छन तर्सथ गीतामा श्री कृष्णले भने जस्तै । जे भयो राम्रै भयो , जे हुँदैछ राम्रै हुँदैछ र जे हुन्छ त्यो पनि राम्रै हुन्छ । किन र्व्यर्थमा चिन्ता गर्र्छौ , के लिएर आएका थियौ र जो गुमायौ - जे जती पायौ यहीं पायौ । रित्तै आएको थियौ रित्तै जान्छौ .यिनै कुराहरुलाइ आत्मसाथ गर्दै ब्लगसमले बन्द नगरुनजेल सम्म देवदास रत्नपार्कमा आइरहने छ त्यसपछि भने भिन्नै रुपमा देवदास यो अनलाइनको दुनियाम प्रकट हुने जानकारी देवदास गराउँदछ ।