उही कुमार लामा, १७ माघ २०६४

हामी चुप लागेर बसेको पनि शान्ति सम्झौता भएर शान्ति प्रक्रिया सफल पार्न नै हो।
प्रथमः त जी शाहजी, तपाईंको नेपाली नै शुद्ध भएन। म भन्नुस्, हामी हैन। दोस्रो, जी शाह चूप नलागी फत्फताउन थाल्ने हो भने जनआन्दोलन-३ नै शुरू हुन बेर छैन।
मुलुक कुन अवस्थातिर गइरहेको छ, कस्तो दिशातिर डोरिएको छ, किन अस्तव्यस्त भइरहेको छ भन्ने कुरातिर नेपाली जनताले नै बोल्नु र भन्नुपर्‍यो।
पहिला आफैँले जनता मार्ने, अनि आफू सिद्धिने बेलामा चाहिँ जनतासँग गुहार माग्ने? यो त भएन नि शाहजी!
कहिल्यै पनि राजसंस्थाले शक्ति खोजेको छैन।
त्यो त छैन। दाल-भात ज्यूनार गर्ने बेलाँ भटट पारेर सत्ता हत्याएकोमात्रै हो। अनि मन्त्रिपरिषदको अध्यक्ष, अर्थ, संचार आदि इत्यादि मन्त्री बनेकोलाई शक्ति खोजेको भन्न मिल्दैन।
राजसंस्थाको इतिहासमा यस्ता क्षणहरु कति आए-कति गए, नेपाली जनताको चाहनाअनुसार नेपाली राजसंस्था चलेको छ र त्यतैतिर लागेको छ।
नगरकोटमा ११ जना, बेलबारीमा ७ जना, भैरव गण र जंगलतिर त झन् कतिको ज्यान गयो कतिको? ती जनताको ज्यान जनताकै चाहनाअनुसार गएको हो कि? दुई वटा हवाइजहाज लिएर अफ्रिका सफारीमा निस्किएको पनि जनताकै चाहनाअनुसार हो कि? दरबारलाई एघार करोडबाट ६५ करोड रुपैयाँ भत्ता पनि जनताकै चाहनाअनुसार बढाएको हो कि?
मैले सुनेको र ज्ञात नभएको होइन, जनता पनि बोल्न सकेका छैनन्, विभिन्न कारणले।
जनतालाई लाटा ठान्नु भो कि कसो? उनीहरूले सिनु बोक्दा आफ्नै जीउ गन्हाउँछ भन्ने बुझेका छन्।
प्रजातान्त्रिक तौरतरिकाका नाममा बेढंगबाट देशको भौतिक संरचना नास गर्ने कुरा प्रजातान्त्रिक भएन जस्तो लाग्दछ।
के यो शालिकहरू ढालेको प्रसंग हो? जनताले मूर्ति ढाले पनि नेपालभित्रै राखेका छन्, समुद्रपारि लगेर बेचेका छैनन्।
शान्ति होस्, प्रजातन्त्र रहोस्, राष्ट्रियता बलियो बनोस्।
ए हो र भन्या? यस्तो कुरा जी शाहको मुखबाट निस्कँदा कति मानिस हाँसेका होलान् है।
कुन किसिमको राजनीतिक व्यवस्था नेपाली जनताले चाहन्छन्, त्यो नेपाली जनताको चाहनामा हुनुपर्दछ त्यो नेपाल र नेपालीलाई सुहाउँदो होस्।
कस्तो? नेपाली जनता हैन, माटो सुहाउँदो पञ्चायती व्यवस्था जस्तो?
नेपालीको शिर ठाडो पारेर हिँड्ने व्यवस्था होस्।
ठाडै त पारेर हिँडेका छन् नि। कहाँ मुण्टो बटारेर हिँड्या छन् र?
साइलेन्स अल्सो एक्सन।
नारायणहिटीमा जेठ १९ को रात एक्सन चलिरहेको बेला जी शाहजी एयरपोर्टमा साइलेण्ट बस्नुभा थियो रे भनेको सुन्या हो हामीले पनि।
चुप लागेका मात्र छैनौँ। त्यसको धेरै अर्थ छ।
त्यसो भनेर हाम्लाई तर्साउन खोज्या हो जी शाहजीले? अब त तपाईंसँग माइली भाउजू पनि तर्सिन्नन्।
सहरको कुरा गरेर मात्र हुँदैन। डाँडाकाँडामा दुःख पाएर रहेका नेपालीलाई उत्तिकै महत्व दिइनु पर्दछ।
सेनाले चोरी सिकारी गरेको हरिणको सुकुटी टोक्दै ह्विस्कीको नसामा नेपाली जनताको पैसाले इण्टरनेटमा पोकर खेलेर बस्नेले यस्तो कुरा गर्दा जनताले पत्याउलान र भन्या?
राष्ट्रनिर्माता श्री ५ पृथ्वीनारायण शाहबाट नेपालको एकीकरण गरिबक्स्यो, मौसुफबाट एकीकरण नभएको भए आज हामी कहाँ हुन्थ्यौँ?
हामी चैँ यहीँ हुन्थ्यौं, तपाईं चैँ राजस्थान हो कि कतारतिर हुनुहुन्थ्यौ होला शायद। यो कुरा अलिक हाइपोथेटिकल कुरा भयो।
राष्ट्रनिर्मातालाई बेइज्जत गर्ने कुरा आफूलाई र राष्ट्रलाई बेइज्जत गरेको जस्तो लाग्छ।
हैन शाहजी, पृथ्वीनारायणको मात्रै किन यति रटान् लगाएको तपाईंले? आफ्नो बाउ र बाजेको त कुरै गर्नुहुन्न बा।
राजसंस्थालाई अगाडि बढाउने प्रयासमा नेपाली जनता नै अग्रसर हुनुपर्दछ।
कतातिर अगाडि बढाउने? नक्खुतिर कि भद्रगोलतिर?
हामीले दुई वर्षअगाडि गर्न खोजेको प्रयास पनि २०४७ सालकै नेपाल अधिराज्यको संविधानअनुसार नै जनताको नासो जनतालाई फर्काउने प्रयास प्रजातान्त्रिक तौरतरिकाबाट गरेकै हो।
हो त, २० लाख जनताले नारायणहिटी घेर्ने भएपछि त्यसै त गर्नुपर्‍या थियो।
माओवादीले प्रयोग गरेका उपायहरुबारे खुसी थिएनौँ। त्यसैले हामीले कुनै न कुनै किसिमबाट जनताको माग बमोजिम शान्ति प्रयासमा लागेका हौँ। सफल हुन सकेनौँ। हामीले त्यो मान्नै पर्छ। त्यसको नतिजा अहिले राष्ट्र र जनताले भोगिरहेको जस्तो लाग्छ। हामीले कोसिस गरेको प्रयास ठीकै थियो, कुनै न कुनै रुपले प्रमाणित हुँदै गएको छ कि जस्तो लागेको छ।
यो फेरि हामी-हामी दोहोरियो। नेपाली व्याकरण सिकेर म भन्न सिक्नुस्।
नेपाली जनताले जस्तो चाहना गर्छन्, राजसंस्थालाई त्यतैतिर ढाल्नुपर्दछ र त्यसअनुसार अगाडि बढाउनु पर्दछ।
बल्ल कुरा ठीक गर्नुभो। राजसंस्थाको वास नक्खुको कालकोठरीमा होस् भन्ने जनताको चाहना छ।

________

घाँटी हेरी हाड ननिलेपछी कस्को के लाग्छ र ? ल हेर्नुस एउटा भेडालाई सिङ्गै निलेपछी सडकमै लमतन्न परेको अजिङगरको यो हालत । के यसले त्यो भेडालाई पचाउन सक्यो होला त ?

ऋतुराज
“श्री ५ महाराजाधिराजकी जय , प्रभुवर क्षमा रहोस् आयोगलाई त प्रभुसँग बयान लिने पटक्कै सोंच हैन, तर, के गर्नु जति पनि बयान दिनेहरू आए, सबैले माथि माथि’ भन्दै मौसूफको दरवार देखाएपछि एकपटक सस्तो लोकप्रियता कमाउनको लागि राजालाई पनि बयान लिन सकिन्छ’ भनेर प्याच्च मुख खोलिहालियो । अहिले फसाद् पर्‍यो । लोकतन्त्रवादी भनाउँदाहरूले जिब्रो समातीहाले । त्यसैले यहाँ केही प्रश्न लेखी पठाएको छु । जनीगरी आरामसँग उत्तर लेखी पठाइस्सेमा हाम्रो नाक पनि घिरिम्ला जत्रो हुनेथियो र श्री ५ हरूमाथि लोकतन्त्रेहरूले उठाएको औंला पनि लुतुक्कै तल झर्ने थियो । मौसुफकै श्रीबृद्धि हुनेथियो ।
प्रश्नहरू यसप्रकार छनः
-१) मौसूफको शुभनामः
-२) मौसूफको जन्ममितिः -अंग्रेजी तारिखमा पनि)
-३) मौसूफको परिवारको कूलसंख्याः
-४) जन्मस्थानः
-५) हालको बर्साईः -स्थायी, अस्थायी)
-६) शैक्षिक योग्यताः
-७) नागरिकताः,
-८) धर्मः,
-९) लिंग,
-१०) बुबा-आमाको नामः
-११) रक्त ग्रुपः,
-१२) कुनै उपनाम छ भनेः
-१२) राजगद्दी आरोहण गरिबक्सेपछि कुन कुन मुलुक भ्रमण गरिबक्सियो ? कहिले ?
-१३) मौसूफलाई मनपर्ने राजनेता को होला ?
-१४) मौसूफलाई खेल्न मनपर्ने खेल ?
-१५) सबैभन्दा धेरैपटक घुमेको मुलुक ?
-१६) सबैभन्दा धेरैपटक पढेको पुस्तक ?
-१७) सबैभन्दा हर्ेन मनपर्ने खेल ?
-१८) सबैभन्दा मनपर्ने ठाउँ ?
-१९) सबैभन्दा मीठो लाग्ने फलफूल ?
-२०) सबैभन्दा मनपर्ने जनावर ?
-२१) सबैभन्दा उत्तम लाग्ने पहिरन ?
-२२) सबैभन्दा सुन्दर लाग्ने फूल ?
-२३) पंक्षीमा कुन मन पर्छ ?
-२७) सबैभन्दा उत्तम लाग्ने खेलाडि ?
-२८) बासनामध्ये कुन वासना मौसूफलाई प्रिय लाग्छ ?
-२९) जीवनको सम्झनयोग्य सुखद् क्षण ?
-३०) जीवनको सम्झनयोग्य दुःखको क्षण ?
-३१) मौसूफ सरकार १ कथित लोकतन्त्रेहरू सडकमा आउँदा मौसूफलाई पक्कै बेचैनी छायो- त्यतिबेला र अहिलेको स्वास्थ्यमा तुलनात्मक रूपमा केही अन्तर छ कि ?
-३२) मौसूफको गाथमा आराम भएपनि मनमा निश्चित रूपमा बेचैनी छाएको छ भन्ने यो आयोगका पदाधिकारीले महशुस गरेका छौं । यस्तोबेला कुनै प्रश्नहरू सोध्नु नपर्ने हो, तर पनि प्रश्नहरू सोध्ने गरी हामीलाई नेपाल सरकारले जागीर दिएकोले सोध्ने धृष्ठता गरिरहेका छौं । सरकार १ वर्तमान सातदलको सरकारले श्री ५ को जायजेथा खोजी गरी र्सार्वजनिक गर्दैछ । त्यसो गर्नु उचित थियो र ?
-३३) हे गरीवप्रवर १ प्रधानमन्त्री गिरिजाप्रसादज्यूले महाराजलाई सेरेमोनियल किंगको रूपमा रहने गरी राख्न जोडबल गरेको पाइएको छ । सरकार यसमा सन्तुष्ट होइसिन्च र ?
-३४) २ सये ३८ वर्षदेखि मुलुकमा श्री ५ हरूको राज्य चल्दै आएको छ । यो नेपाली जनताले पाएको अहोभाग्य हो । तर, त्यस्तो राजतन्त्रविरूद्ध औंला उठाउँदै गणतन्त्र माग गर्ने माओवादीको बुइ चढ्नु सातदललाई सुहाउने कुरा थियो र ?
-३५) परम्पराबाट जनज्रि्रोमा बस्दै आएको श्री ५ को सरकारलाई हटाएर नेपाल सरकार भनी देशमा झेली पिटाउने काम भइरहेको छ । यसकाविरूद्ध सरकारको किन मौनता ?
-३६) आयोगका पदाधिकारीलाई राम्रोसँग थाहा छ कि आन्दोलनकोबेला मौसूफबाट कुनै प्रकारको दमनकारी निर्ण्र्ाारू भएका हैनन् । तर पनि त्यही कुरा सोध्नका लागि हामीले यो पत्र तयार पारेका छौं । यो हाम्रो धृष्टताको लागि क्षमा चाहन्छौं । ३१ नम्बर देखि पछिल्ला प्रश्नहरू हामीले जनतालाई छक्काउन तयार पारेका हौं । त्यसैले कुनै उत्तर दिनु नपर्ने व्यहोरा विन्ती चढाउँछौं । त्यसभन्दा माथिका प्रश्नका उत्तरहरूमात्र दिइबक्सेमा हुनेछ ।
मौसूफमा यो पनि विन्ती जाहेर गर्न चाहन्छौं कि हामी पनि सेरेमोनियल वा संवैधानिक राजतन्त्रका पक्षपाती हौं । हामीलाई लोकतन्त्रसँग वास्ता रहेपनि गणतन्त्रसँग सक्त नफरत छ । भित्रभित्रै संवैधानिक लोकतन्त्र प्रणालीलाई मजबुत बनाउन क्रियाशील छौं । त्यसैले आयोगलाई अन्यथा नबुझीबक्सन विन्ती गर्दछौं । ०४६ सालमा मल्लिक आयोगको प्रतिवेदन रद्दीको टोकरीमा मिल्किए झैं यो पनि त्यस्तै गरी दराजको कुनै कुनामा थन्कने छ भन्नेमा हामी सबै ढुक्क छौं । जनताको उर्लंदो तोडफोडलाई रोक्नको लागि यो नाटक खेल्नुपरेको कुरा स्वयं प्रधानमन्त्रीबाट पनि जाहेर भएकै छ । नत्र पेट्रोलियम पदार्थको मूल्य बढाउन सोच्ने थिएन । जनताहरू विस्तारै सुस्ताए भने सबै कुरा ठीक हुन्छ भन्ने हाम्रो ठहर छ । मौसुफलाई अवगत नै होला, यो मुलुकमा गणतन्त्र आउने कुनै बाटो छैन । हामीजस्ता महाभक्त हुँदाहुँदैश्री ५ को राजगद्दी दाउँमा पार्न दिनेछैनौं । यसमा मौसुफ ढुक्क भए हुनेछ । श्री ५ का बाहुलीमा राज्यसत्ता चढाउने देउवा, भरतमोहन जीवितै छन् । अहिले संविधान सभा भन्दै माओवादीलाई पनि उछिनेर अघि जानुको अर्थ पनि मौसूफबाट बुझी बक्सेकै होला । माओवादीलाई विस्थापित पार्ने त्यो सबैभन्दा कारगर अस्त्र बन्नेछ । एमालेले त मोर्चा नै गठन गर्दै हिँडेको त्यसैकारणबाट भएको विन्ती विसाउन चाहन्छौं ।
सरकार १ सेनामा पनि सरकारले माओवादीलाई उछिनेर मौसूफका मानिसलाई बढोत्तरी गरिसकेको छ । संवैधानिक निकायहरूमा पनि त्यसैअनुरूप हुनेछ । निलम्वनलाई पनि
पुरानै पदको बराबरी पद खोजेर सम्मानपर्ूवक राख्ने काम भएको छ । यसतर्फकत्ति चिन्ता लिनुपर्ने देखिन्न । हामी आयोगका पदाधिकारीहरू, मौसूफका परमभक्त पनि यो काम सकिएपछि कतै न कतै नियुक्त हुनेछौं । यता सबै फिटफाट हुँदैछ । हामी पुरानै तरिकाले मजबुत हुँदैछौं । त्यसैकारण पनि माओवादीहरू तर्सेर हुन् । उनीहरू विस्तारै ठेगान् लाग्छन् । यही कुरालाई ख्याल गरिबक्सँदै आयोगको इज्जतका खातिर उत्तरहरू दिई पठाइस्सिन विन्ती गर्दछौं । (more…)

- महेश्वर श्रेष्ठ
“भो, चाहिंदैन मलाई त्यस्तो आनन्द । त्यस्तो आनन्द गर्ने भाग्य र मौका तपाईंलाई नै जुरिरहोस् ।” अब च्याँठिने पालो उनको थियो र भनिन्, “मानिसहरु गर्मीले प्याक-प्याक पर्न थालिसके । कोही विरामी पर्न थालिसके । भर्खर एघार बज्यो । चार बज्न अझै पाँच घण्टा बाकी छ । कसरि समय काट्ने हो । को को मानिस कति जरुरी कामले कहाँ कति बेला पुग्नु पर्ने होला । कस्तो फन्दामा फसियो बा ….. । कोही केही बोल्ने होइनन् । होइन, तपाईंले त गल्ती गर्ने मान्छे राजा नै किन नहोस्, अगाडि आउने साहस गरे उसलाई पनि हकार्छु भन्ने धक्कु लाउने गर्नु हुन्थ्यो नि । जानुस्, कसैसंग कुरा गरी त हेर्नुस् । केही उपाय त निकाल्नोस् । के लाटाले केरा हेर्या जास्तो हेरिराको ?” (more…)

आज सेप्टेम्वर एघार तारीख तर्सथ प्रस्तुत फोटाको बारेमा केहि भन्नु पर्छ र ?

ऋतुराज
शेरे डडेल्धुरालाई कत्रो आपद् ? राजा, गिरिजा र प्रचण्ड तीनैजनाले उनलाई प्रताडित गरेछन् । राजाले पटक-पटक धोका दिए, गिरिजाले पार्टीबाट निकाले र प्रचण्डले बाटोमा धराप थापे । एउटा मान्छेलाई यहाँभन्दा बढी प्रताडना अरू के हुनसक्छ ? वास्तवमा राजाले धोका दिँदा उनी उतिबेलै सेन्टीफ्लाट हुनुपर्ने हो, गिरिजाले पार्टीबाट घोक्राउँदा उतिबेलै सडकछाप हुनुपर्ने हो र प्रचण्डले बाटोमा धराप थाप्दा उतिबेलै चिलिम्च्वाँट हुनुपर्ने हो । धन्य सबैबाट सकुशल बचेर अहिले राजनीतिको यो कगारमा आइपुगेका छन् । सफलताको जँघार तर्दैछन् । राजतन्त्रात्मक लोकतन्त्रमा हिँड्दैछन् । तर भन्नका लागि लोकतान्त्रिक गणतन्त्र भन्दैछन् । मान्छे भएपछि संर्घष गर्नुपर्छ, मृत्युलाई पनि जितिन्छ भन्थे बुढापाकाले । उनले पनि जित्दै आएका छन् । राजाले र अमेरिकाले साथ दिए फेरि एकपल्ट राजतन्त्रात्मक लोकतन्त्रको नाइकेको रूपमा बस्छन् -बस्छन् । सिंहबहादुरको कुर्चीले उनलाई बोलाएको छ । (more…)

नेपाली भाषाको पहिलो ब्लग ‘माईसंसारडटकम’का
उमेश श्रेष्ठलाई अमेरिका-नेपाल सोसाइटीले शनिबार सम्मानित गरेको छ। जनआन्दोलन-२ को अप्ठ्यारो परिस्थितिमा निर्भिकतापर्ूवक निष्पक्ष सूचना प्रवाह गरी योगदान पुर्‍याए बापत उहाँलाई सोसाइटीले नगद रु. ५१ हजार प्रदान गरेको जनाएको छ।अधिकारवादी नेता पद्मरत्न तुलाधरले ब्लगर श्रेष्ठलाई सम्मानपत्र एवं नगद पुरस्कार हस्तान्तरण गर्नुभयो। अनलाइन पत्रकारिताको विकासक्रम भर्खरै सुरु भइरहेको अवस्थामा व्यक्तिगत रुपमा ब्लगले सूचना प्रवाहमा देखाएको तदारुकता प्रशंसनीय रहेको तुलाधरले बताउनुभयो।नेपाल पत्रकार महासंघका पर्ूव सभापति तारानाथ दाहालले माघ १९ को राजाको कदमपछि निष्पक्ष सूचना प्रवाहमा राज्यले रोक लगाएको अवस्थामा समेत अनलाइन र ब्लगहरुले प्रविधिको प्रयोग गरी अभिव्यक्ति स्वतन्त्रताको प्रयोग गरेको उल्लेख गर्नुभयो।इन्टरनेटका माध्यमद्वारा विश्वभरि पहुँच राख्ने अनलाइनपत्रिकाहरुलाई राज्यले अझै पनि मान्यता नदिएकोमा उहाँले रोष प्रकट गर्नुभयो।सम्मानित व्यक्तित्व उमेश श्रेष्ठले ‘माइसंसार’ले पाएको सम्मान सिंगो नेपाली ब्लगरहरुका लागि सम्मान हो भन्नुहुँदै ब्लगको अवधारणाले मान्यता पाइनसक्दै सम्मान गरिनुले उत्साहित पारेको बताउनुभयो।कार्यक्रममा अमेरिका नेपाल सोसाइटीका उपाध्यक्ष विष्णु थापा एवं बोर्ड सदस्य मावध आचार्यले समेत बोल्नुभएको थियो।
उमेश परेवाडटकमसँग आवद्ध हुनुहुन्छ।

२०६३ भाद्र ०५ गतेका दिन ललितपुर जिल्ला प्रशासन कार्यालयमा प्रमुख जिल्ला अधिकारीज्यू श्री आनन्दराज पोखरेलको अध्यक्षतामा र्सवपक्षिय वसी मिति २०६३ भाद्र ०४ गतेका दिन पेट्रोलियम पदार्थमा भएको मूल्य बृद्धीको नाममा सातदोवाटो देखि मनोहरा पुलसम्मको ललितपुर चक्रपथ क्षेत्रमा केहि उच्छृ◊ल व्यक्तिको भिडले पेट्रोल पम्प, र्सवसाधारणको घर, पसल, रेष्टुरेण्ट र सवारी साधन समेत तोडफोड गरी क्षती पुर्‍याएको सम्वन्धमा सहायक प्रमुख जिल्ला अधिकारी श्री कविराज खनालको संयोजकत्वमा तल उल्लेखित वमोजिमको “क्षतिको विवरण तयार गर्ने समिति” गठन भएको थियो ।
समितिको विवरण (more…)

कहिले रुकुम कहिले रोल्पा त कहिले काठमाण्डौमा आगो लाग्छ । सहर गाँउ दन्दन्ती जल्छ र पुन सेलाउँछ । केहि समय पछी फेरी आगो सल्कन्छ र जल्न थाल्छन गाउँहरु , शहरहरु , भन्ज्याङ अनि चौतारीहरु । हाम्रो देशमा आगो लाग्न र जल्नलाई ठुला कुराहरु हुनै पर्दैन । एउटा डाइभरले एउटा मान्छे किच्यो भने पनि पुरा शहर जल्न थाल्छ , अस्पतालमा एउटा विरामी मर्यो भनेपनि शहरमा आगो लगाउन थालिन्छ अनि भारतको एउटा कलाकारले केहि केहि चित्त दुख्नेकुरा गर्यो भनेपनि हामै्र शहर जल्न थाल्छ र हामीहरुनै गोलीखान बाध्य हुन्छौं यो हाम्रो नियती हो । मैले आज गर्न खोजेको कुरा चाँही अलि पुरानो हो अर्थात दुइवर्षपुरानो । आजको ठिक दुइवर्षपहिले काठमाण्डौ दन्दन्ती जलीरहेको थियो । बैदेशीक रोजगारीका कार्यालयहरु, पत्रीका प्रकाशनगृहहरु, राजदुतावासहरु, अनि एयरलाइन्सका कार्यालयहरु यतिवेला मुख्य आगो लगाउने अखडाहरु भएका थिए । बिदेशमा गएर अलीकती पैसा कमाइएला भनी मनभरी सपना संगाल्दै इराक पुगेका बाह्रजना नेपालीहरुलाई एकैठाउँमा हत्या गरीएपछी काठमाण्डौका जनताले निर्दोस नेपाली घाँटी रेटिएको सजीलै पचाउन सकेनन र आफ्नो आक्रोसलाई सडकमा आएर पोखे अन्तत इराकमा क्षती त भयो नै तर नेपालमा पनि कम क्षतीभने भएन । यसको बारेमा बिस्तृत कुराहरु त मेरो संसारमा गएर पढ्न सकिन्छ तर्सथ मैले चाँही यहाँ त्यही कहाली लाग्दो हत्याको भिडियो लाई राखेको छु । मैले यो भिडियो तेतीबेला पनि हेर्ने कोशिस गरेको थिँए तर एक मिनेट हेरेपछी बाँकी भिडियो हेर्ने साहस मैले गरीन र सात दिन सम्म त्यो भिडियोको असरले मलाई सताइरह्यो तर्सथ आज पनि यो भिडियो लाई मैले एक मिनेटजती मात्र हेरेर यहाँ राखेको छु । आज एक साथीले मोवाइल मार्फ भिडियो म्यासेज पठाएको र रत्नपार्कमा राख्नुहोला भनेको हुदा यहाँ राखेको हु तर म भन्दिन कि तपाँइ यो भिडियो हेर्नुहोस । यदी तपाँइ धेरैपैसाको लोभमा परेर इराक अथवा यस्तै कुनै देशमा जान खोजीरहनुभएको छ जहाँ जानको लागी हाम्रो देशले अनुमती पनि दिएको छैन भने चाँही एक पटक यो भिडियो हेर्नुहोस सायद तपाँइको विचारमा केहि परिवर्तन आउँछकि । मोवाइलको भिडियो भएको हुँदा यो सफा सँग देखिदैन र यस्लाइ 3gp फाइल बाट अन्य फाइलमा परिवर्तन गर्न नसकेको हुँदा सम्पादन गर्न पनि मिलेन तर्सथ जस्तो प्राप्त भयो त्यस्तै यहाँ राखेको छु ।

मितिः- २०६३/०५/१४

श्री पेट्रोलियम पदार्थ आपूर्ति, मूल्य तथा बजार व्यवस्थापन समिति
उद्योग, वाणिज्य तथा आपूर्ति मन्त्रालय, सिंहदरबार, काठमाडौं
इमेलः- psp@moics.gov.np

विषयः- सुझाव पठाएको बारे ।

उपरोक्त सम्बन्धमा त्यस समितिले नेपालमा पेट्रोलियम पदार्थ आपूर्ति, मूल्य निर्धारण तथा बजार व्यवस्थापनमा अपनाउनु पर्ने नीति तथा रणनीति बारे सुझाव माग गरी र्सार्वजनिक सूचना प्रकाशित गरेको हुंदा एक जना सचेत एवं जिम्मेवार नागरिकको हैसियतले नेपाली जनताको उच्चतम हितलाई ध्यानमा राखी निम्न सुझावहरु पेश गर्दछु ।त्यस समितिको अधिकार क्षेत्रबारे यस सुझावका प्रेषकलाई विस्तृत जानकारी छैन । समितिले मागेको सुझावमा आयात सम्बन्धी विषय नै नपरेको हुँदा त्यसको अधिकार एवं कार्यक्षेत्र नेपाल भित्री सकेको पेट्रोलियम पदार्थको आन्तरिक आपूर्ति, मूल्य तथा बजार व्यवस्थापन भन्ने मात्र बुझिन्छ । त्यसैले समितिले पेट्रोलियम पदार्थको कारोवार सम्बन्धमा समग्र रुपमा अध्ययन गर्न पाउँछ भन्ने कुरामा नै शंका छ । हुन त नेपालमा पेट्रोलियम पदार्थ आयात गर्ने विषय र अन्तराष्ट्रिय भाउ सम्बन्धमा सरकार वा आयल निगमले फैलाउँदै आएको भ्रम तथा फरेबी कुरा सम्बन्धमा मैले २०६१ सालदेखि संचार माध्यम मार्फ र्सार्वजनिक आवाज उठाउँदै आएको आएको हुँ र त्यस सम्बन्धी पछिल्लो लेख केहि दिन अघि त्यस समितिलाई पनि उपलब्ध गराइसकेकै छु । तर पनि पहिलेका ‘सुझाव समिति’ हरुले जस्तै त्यस समितिले पनि सरकारको बनिबनाउ जनतामारा कुराहरुलाई नै “विस्तृत अध्ययन पछिको प्रतिवेदन” भनी लाचार घोषणा गर्न नपरोस्/नगरोस् भन्ने कामना सहित आफ्ना सुझावहरु पेश गर्दछु । (more…)

प्रस्तुत भनाईहरु हुन सयपत्री साहित्यिक ब्लगका ब्लगर चहल सयपत्रीको । मोति जयन्तीको अवसरमा भएको एक साहित्यिक वाचन कार्यक्रमा वाचन गरिएको एक गजलको भिडियोलाई यहाँ प्रस्तुत गरेको छु । गजल पूर्णरुपमा माइलादाईको सेरोफेरोमा घुमेको छ । हुन त यो गजल गजलकारले आफ्नै ब्लग सयपत्रीमा प्रकाशन गर्नुपर्ने हो तर भन्नेहरुले देवदास र चहल सयपत्रीमा केहि फरक छैन भनेको हुदा रत्नपार्कमा प्रकाशन गरेको हो , उक्त कार्यक्रमका अन्य भिडियोहरु हेर्न चाँही साहित्यिक ब्लग सयपत्रीमै जानुपर्ने हुन्छ । यदि तपाँइको कम्प्युटरमा यो भिडियो प्ले भएन भने पढेर चित्त बुझाउनु होला ।

गजल पढ्नको लागी भित्र जानुहोला (more…)

नेपालमा यसै त पुरुषको भन्दा महिलाको जनसख्या बढी छ । साँच्चे भन्ने हो भने एक पुरुशले एक महिलालाई विवाह गर्ने हो भने धेरै महिलाहरु बुढीकन्या भएरै बस्नु पर्ने अबस्था छ दोस्रो विहे गर्यो भने पनि कानुनी सजाय भोग्नु पर्छ । यतीखेर कोमल वलीको चर्चा छ बजारमा । उनि बुढीकन्या भैसकेकि छीन तर आफुले चाहेजस्तो लोग्ने उनलाई जुरेको छैन । महिलाहरुको महान चाडको मौका छोपेर उनले पोइला जान पाम् भन्दै शिव भगवानलाई गुहार्दै सडक गल्ली जताततै भजन गाउँदै हिंडेकी छिन । कोमल वली जस्ती शिक्षीत , आत्मनिर्भर युवतीले लोग्नेको लागी यसरी लोकगीतको सहारा लिएर विज्ञापन गरेको देख्दा उनलाई छिटै लोग्ने मिलोस भन्ने देवदासले प्रार्थना गरेको थियो । कमसेकम यसपाली उनको विहे भयो भने अर्को तिजमा नेपाली महिलाहरुले इज्जतका साथ पशुपतीको दर्शन गर्ने थिएकी भन्ने देवदासको सोचाई थियो तर अफसोच आज देवदासले यौटा फोटो देखेपछी भने कोमल वलीको बिहेको चान्स अलीकती भएपनि घटेको हो कि जस्तो लाग्यो । कुरा के भने यसै त महिला भन्दा पुरुश बढी भएको हाम्रो देशमा आज काठमाण्डोको लाजिम्पाटमा केटाले केटासँगै विवाह गरेको समाचार देखेँ । यदी ति दुइ युवकले केटीसँग विवाह गरेको भए कमसेकम अरु दुइजना युवतीले लोग्ने त पाउँथे । आज भएको केटै केटाको विवाहले गर्दा दुइजना केटिले लोग्ने नपाउने भए कतै यि दुइजना लोग्ने नपाउने युवतीहरुमा कोमल ओली पर्ने त हैनन ?
यो पनि हेर्नुहोला –कोमल वलीले ‘पोइल जानु’ ठीक कि बेठीक

नारी स्वतन्त्रताको वकालत गर्ने परम्परागत महान् पर्व तीज आज । मुलुकभर र मुलुकबाहिर नेपाली महिलामात्रले आज हरितालिका अर्थात् तीज पर्व धुमधामका साथ मनाउँदैछन् । तीज पर्वको सांस्कृतिक, राजनीतिक एवम् धार्मिक एउटा बेग्लै परम्परागत महत्व, मान्यता र आदर्श छ । तर बिडम्बना ! नेपाली मौलिक संस्कृतिमाथि पाश्चात्य संस्कृतिले घोडा चढिरहेको वर्तमान युगमा तीजले पनि आफ्नो वास्तविक लक्ष्य, पहिचान र आदर्श क्रमशः गुमाउँदैछ ।नारी एउटा परिवारको चुलोचौकोभित्र मात्र सीमित रहेको, उसको वैयक्तिक स्वतन्त्रता पुरुषप्रधान समाजको कब्जामा रहेको एवम् नारीलाई आफैं केही गर्न नसक्ने दोस्रो वर्गको मानिसका रुपमा हेरिने परिवेश र सोही कारण नारीवर्ग समाजमा अत्यन्त पछाडि परेको सर्न्दर्भमा तीज पर्वको गरिमा उच्च रहेकोमा द्विविधा छैन । जन्मघर माइत गएर मीठो खाने, राम्रो लगाउने र वर्षरिका पीडाव्यथा साथीसंगीबीच बाँड्ने उपयुक्त अवसरका रुपमा मात्र होइन, एउटी विवाहित नारीले आफ्नो सुहागको दीघायु र स्वस्थ जीवनको कामना गर्दै निराहार व्रत बस्ने, अविवाहित नारीले असल पति पाउने कामनाका साथ उपवास बस्ने पर्वको रुपमा समेत तीजले समाजमा अत्यन्त ठूलो महत्व पाउँदै आएको हो । (more…)

शाही निरंकुशताविरुद्ध संचालित जनआन्दोलन भाग-२ की बयोवृद्ध नेतृ छायाँदेवी पराजुलीको ८८ वर्षको उमेरमा आज निधन भएको छ। आज बिहान करिब ५.३० बजे शौचालय गएर र्फकने क्रममा लडेर बेहोस भएको केही समयपछि नै उहाँको निधन भएको बताइएको छ। करिब १ महिनाअघि मोटरसाइकलको ठक्करबाट घाइते हुनु भएकी पराजुलीको वीर अस्पतालमा उपचार भइरहेको थियो । २०५९ साल असोज १८ देखि सक्रिय रुपमा शाही निरंकुशताविरोधी आन्दोलनमा सहभागी बयोवृद्ध नेतृ पराजुलीले आन्दोलन सफल नभई गाउँ नर्फकने कसम खानु भएको थियो । राजाले २०६० असोज १८ गते लादेको निरंकुशताको अन्त्य नगरेसम्म घर नजाने भन्दै सुनसरी जिल्लाबाट झण्डै चार वर्षअघि आन्दोलनमा सहभागी हुन राजधानी आउनुभएको थियो । आन्दोलन सफल भएपछि सरकारले बेवास्ता गरेको आवाज प्रतिनिधिसभामा व्यापक मात्रामा उठेछि सरकारले साउन २९ गते १ लाख सहयोग गर्ने निर्णय गरेको थियो । तर, उहाँले देशमा शान्ति स्थापनाभन्दा अर्को आफ्नो कुनै इच्छा नरहेको बताउनुभएको थियो । (more…)

जनआन्दोलन-२ को अभूतपूर्व बलमा बनेको ‘लोकतान्त्रिक’ सरकारले २०६३।४।२ गते शुक्रबारदेखि लागु हुने गरी सम्पूर्ण पेट्रोलयिम पदार्थको मूल्यमा भारी बृद्धि गरी नेपाली जनतालाई पहिलो आर्थिक उपहार प्रदान गर्न खोजेको थियो । नयाँ मूल्य अनुसार र्सवसाधारणले प्रयोग गर्ने प्रति लिटर पेट्रोलमा २५.३२% ले मटितेलमा २३.३५% र खाना पकाउने ग्यासमा प्रति सिलिण्डर ११.११% ले मूल्यबृद्धि गरिएको थियो । मूल्यबृद्धि सम्बन्धमा पेट्रोलियम पदार्थको एकलौटी व्यापार गर्ने अधिकार प्राप्त सरकारी व्यापारिक संस्था नेपाल आयल निगमले जारी गरेको विज्ञप्तिमा यस अघि उसले मासिक ८३ करोड रुपिया घाटा खाँदै आएकोमा हालै गरिएको मूल्यबृद्धिले त्यसलाई मासिक २१ करोड ६६ लाखमा झारेको भनेको थियो । अर्थात सरकारले जुन दरमा मूल्यबृद्धि गरेको थियो त्यो कम थियो र उसको घाटा पूर्ति गर्न मात्र पनि उक्त दर भन्दा कम्तीमा २५% बढी दरले मूल्यबृद्धि हुनु पथ्र्यो । उसले सधैं झैं यस पटक पनि मूल्यबृद्धि गर्नु पर्नाको एक मात्र कारण ‘अन्तराष्ट्रिय बजारमै पेट्रोलियम पदार्थको भाउ अत्याधिक बढेकोले..’ भन्ने सदाबहार साविक वाक्याँशलाई अघि सारेको थियो । तर देशव्यापी रुपमा उठेको जनविरोधका सामु उक्त मूल्यबृद्धिको निर्णय टिक्न सकेन र सोमबार नै सरकारले त्यसलाई फिर्ता लिन वाध्य हुनु पर्यो । (more…)

बर्षायाममा समेत नेपाल विद्युत् प्राधिकरणले मागअनुसार विद्युत् वितरण गर्न नसकी छिमेकी मुलुकबाट विद्युत् आयात गरी वितरण गर्ने प्रक्रियामा छ । वर्षोनी ६०/७० मेगावाट विद्युत्को माग बढ्दै गएको छ तर विद्युत् उत्पादन गर्र्छौं भन्ने निजी लगानीकर्तासँग प्राधिकरणले पीपीए गरेको छैनर्/गर्न चाहेको छैन । एडीबीले छिमेकी मुलुक भारतमा भन्दा पहिला विद्युत्को क्षेत्रमा नेपालमा हात हालेको/भारतमा अहिले विद्युत् उत्पादन क्षमता ९० हजार मेगावाट पुग्दा जलस्रोतको धनी मानिएको हाम्रो देशको विद्युत् उत्पादन क्षमता बर्षायाममा ६ सय र हिउँद याममा ४ सय मेगावाट छ । तथ्यांकले नै नेपालको निरिहता प्रष्ट्याउँछ । विद्युत् खरिद गर्ने नेपालको एक मात्र संस्था नेपाल विद्युत् प्राधिकरण निजी क्षेत्रले आफूसँग विद्युत् खरिदको सम्झौता मात्र गर्ने गरेको, समयमा विद्युत् उत्पादन गर्नै नसकेको आरोप लगाउँछ । तर, प्राधिकरण आफैंले निर्माण प्रारम्भ गरेको मध्यमर्स्याङ्दी समयमै पूरा गर्न ऊ किन असक्षम भयो - यसको जवाफ ऊसँग छैन । हिंसात्मक द्वन्द्वका कारण प्राधिकरणले समयमै मध्यमर्स्याङ्दी पूरा गर्न नसकेको हो भने द्वन्द्वको मार निजी क्षेत्रलाई चाहिं पर्दैन त - मर्स्याङ्दी नै पूरा भइसक्दा पनि त्यसबाट विद्युत् उत्पादन जम्माजम्मी ७० मेगावाट हुने हो । नेपालमा वर्षोनी ६०/७० मेगावाट विद्युत् माग बढ्दै गएकाले मध्यमर्स्याङ्दी उत्पादन दिंदा पनि लोडसेडिङ हट्ने छैन । नेपालमा उत्पादित विद्युत्मध्ये १ सय पचास मेगावाट विद्युत् भारतलाई दिने सहमति नेपाल-भारतका बीच भएकै अवस्थामा नेपालको लोडसेडिङ हटाउन नेपालले तुरुन्तै भारतसँग घाटा व्यहोर्ने गरी विद्युत् खरिद गर्दैछ । नेपालका लागि योभन्दा लाजमर्दो अरू केही हुनै सक्दैन । (more…)

पेट्रोलियम पदार्थको मूल्यवृद्धिको विरोधमा आज बिहानैदेखि राजधानीमा जताततै जुलुस निस्किएको छ । सवारीचालक स्वयमले सवारी तेर्स्याएर चक्काजाम गरेपछि चक्रपथ क्षेत्र पूर्ण अवरुद्ध बनेको छ । महारागन्ज, सामाखुसीलगायत क्षेत्रमा आन्दोलनकारीले दर्जनौँ सवारीसाधन तथा केही पेट्रोल पम्पसमेत तोडफोडसमेत गरेका छन् । आक्रोसित जुलुसले कोटेश्वरस्थित एमाले महासचिव माधव कुमार नेपालका दाजुभाईकै घर तोडफोड गरेका छन् भने प्रधानमन्त्री गिरिजाप्रसाद कोइरालाका भतिजा डा. शशांक कोइरालाको महाराजगन्जस्थित घर तोडफोड गर्न गएको आक्रोसित समुहलाई सुरक्षाकर्मीले हस्तक्षेप गरी फर्काएको थियो । नयाँ बानेश्वरमा उत्तेजित भिडलाई नियन्त्रणमा लिन सुरक्षाकर्मीले तीन राउन्ड अश्रृग्यास फायर गर्नु परेको थियो भने अन्य विभिन्न स्थानमा सुरक्षा हस्तक्षेप भएको स्रोतले बतायो । एमाले महासचिवको घर तोडफोड गर्न गएको समुहमाथि प्रहरीले व्यापक लाठी चार्ज गर्नु परेको थियो ।रत्नपार्कमा पनि बिहानैदेखि प्रदशन भएको जुलुस दिउँसोसम्म पनि जारी नै छ । चावहील, बौद्ध, जोरपाटी, थली रुट पनि ठप्प बनेको छ भने कोटेश्वर, तीनकुने क्षेत्रमा पनि टायर बालेर प्रदर्शन सुरु गरिएको छ । बल्खु, कलंकी, नयाँबसपार्क, गोंगबु क्षेत्र पनि विरोध प्रदर्शनले राजधानी पूर्ण रुपमा तनावग्रस्त बनेको छ । मैतीदेवीमा एक पेट्रोल पम्पमाथि तोडफोड गरी ध्वस्त पारिएको छ । कुपण्डोलदेखि जावलाखेल, लगनखेल सडकका दर्जनौं स्थानमा टायर बालेर यातायात अवरुद्ध पारिएको छ भने भक्तपुरका सडक पनि अवरुद्ध पारिएको छ । यस्तै जुलुसले माइतीघरमा दुइ वटा वस र अनामनगरमा एउटा ट्याक्सी तोडफोड गरेका छन् । (more…)

आज कृष्ण जन्माष्टमी तर्सथ यी वालकहरु कृष्णको भेष धारण गर्दै कृष्ण जन्माष्टमी मनाइरहेका छन

- महेश्वर श्रेष्ठ
नेपाल मण्डल फोरमको विशेष कार्यक्रम अर्न्तर्गत झापा जिल्लाको भ्रमण सक्याएर २०६३ साल साउन १७ गते बिहानको बस चढी दमकबाट काठमाडौंका लागि प्रस्थान गरेको यो पंक्तिकार १० बजे धनुषा जिल्लाको ढलकेबर पुग्दा सयौं यात्रुबस र मालबाहक ट्रकहरु सडकमा अलपत्र पडिरहेको देखे पछि कुनै पनि निहुँमा चक्काजाम गर्ने संस्कारका पारखी नेपालीहरुले त्यहाँ पनि चक्काजाम नै गरेका होलान् भन्ने लख काट्न कुनै समस्या परेन । खास कारण बुझदा नागरिकता पाउनबाट बञ्चित मधिसे समुदायका व्यक्तिहरुले आफ्ना माग पूरा गराउन त्यस दिन बिहान ८ बजेदेखि बेलुका ४ बजेसम्म राजमार्गमा बेञ्ची र ढाट तेर्स्याएर अनि तीन चार सय जनाले धर्ना दिएर साइकल समेत चल्न नदिने जोरदारको चक्काजाम कार्यक्रम राखेका रहेछन् ।ढल्केबर गोलचक्करको दुबै तर्फसयौंको संख्यामा यात्रुबाहक बस र मालबाहक ट्रक रोकिएका थिए । आकाशमा बादलको नामो निसाना थिएन । मध्यान्हको बेला भएर होला बतास पनि टक्क रोकिएको थियो । तर र्सूय भने आफ्नो प्रचण्ड तापलाई निर्वाध प्रवाह गरिरहेका थिए । त्यस माथि राजमार्गको अलकत्रे सतहले र्सूयको तापलाई परावर्तन गरी वातावरणलाई अझ बढी तताउन मद्दत गरिरहेको थियो । तापक्रम सायद ४० ड्रि्री सेल्सियस भन्दा कम थिएन । (more…)

हाम्रा बिरामी प्रधानमन्त्री हिजो भन्दैथिए “म कसैको धम्की र उक्साहटबाट कुनै निर्णय गर्दिन , जे जती निर्णय गर्छु , आफ्नो स्वविबेकले गर्छु र देशको माटोले जे भन्छ त्यै गर्छु ” तर अचम्म त मलाइ त्यतीखेर लाग्यो जब नवभारत टाइम्सको अनलाइन संसकण पढें । हिजोको नवभारत टाइम्सका अनुसार यतीबेला बाह्रजना भारतीय प्रहरीहरु काठमाण्डौमा डेरा जमाएर बसेका छन रे । पन्ध्र अगस्ट अर्थात भारतीय स्वतन्त्राको दिन दिल्लीमा अतंकवादी हमला गर्न छ सालदेखी फरार आतंकवादी इरफान अहमद काठमाण्डौमा छन र उनले केहि आतंकवादी दिल्ली पठाएक छन भन्ने सुचनाका आधारमा उनिहरु काठमाण्डौ आएका हुन रे । यसरी एक देशका प्रहरीहरु अपराधी खोज्दै अर्काको देशमा जान मिल्दैन तर उनिहरुको भनाइअनुसार नेपालका अधीकारीहरु लाइ विस्वासमा लिएर उनिहरु नेपालमा आएका हुन रे । हुन त यो भन्दा पहिला पनि भारतीय प्रहरीहरु काठमाण्डौ आएर यस्ता कृयाकलापहरु नगरेका भने होइनन् । देशमा चलीरहेको यो संकटको घडीमा बिभिन्न बहानामा भारतीय प्रहरीहरुलाई देशको राजधानीमा राखेर तिमीहरुको आतंकवादी तिमीहरुनै खोज भन्नु कहाँसम्मको राष्टियता हो ? के हाम्रा बिरामी प्रधानमन्त्रीलाइ आन्दोलनले दिएको म्यान्डेड यहि हो ? र उहाँलाइ देशको माटोले यहि भन्छ ?
नवभारत टाइम्समा उक्त समाचार पढ्ने हो भने यहाँ क्लिक गर्नुहोस, यदी साभार हेर्ने हो भने भित्र आउनु होला । (more…)

कोककोलाको बहिस्कार गर्दै घोडा लाई कोककोला पिलाउदै भारतीय जनताहरु
भरतिय अभिनेता अमीर खानले कोकाकोलाको लागी खेलेको यौटा बिज्ञापन ठण्डा मतलव कोकाकोला कुनै बेला चर्चित भएको थियो तर त्यही भारतका बासिन्दा हरुले उनले बोलेको बुझिरहेका थिएनन् । भारतको एक राज्य केरेलका धेरै जसो जनताहरुले हिन्दी भाषा बुझदैनन् । उनिहरुको आफ्नै भाषा छ , संस्कृती छ , परम्परा छ । उनिहरु फिल्म पनि आफ्नै भाषामा बन्दछन र कलाकारहरु पनि बलीउडका भन्दा भिन्न अनुहारका छन । कोहि कलाकार भने केरेला र मुम्बैमा दुवैतिरका फिल्ममा अभीनय गर्छन । केहि दिन अगडी केरेल सरकारले कोकाकोला र पेप्सीमाथी उक्त राज्यमा प्रतिबन्ध लगाएको छ र दुवै कोला कम्पनिहरुलाइ केरेल राज्यमा उक्त शीतल पेए पदार्थ उत्पादन र बितरण नगर्न सुचना जारी गरेको छ । सोडा आधारीत यो पेए पदार्थमा किटनासक को मात्रा अत्यधीक पाइएकोले यो निर्णय गरिएको हो । अब केरलमा कोला बजारमा नआउने र त्यहाँ कोलाको ब्यपार ठण्डा हुने भइपछी पक्कैपनि त्यहाँका जनताले अमीरखानले बिज्ञापनमा बोलेको कुरा अबश्य बुझ्नेछन अर्थात ठण्डा मतलब कोकाकोला

चुरोट __ कागजमा बेरेको एक चिम्टी सुर्ती जसको एउटा छेउमा आगो जलीरहेको हून्छ र अर्को छेउमा एक मुर्ख मान्छे हून्छ
बिबाह ___ यो एक सम्झौता हो जसमा पुरुषले आफ्नो ब्यचलरको डिग्री गुमाउँछ तर महिलाले मास्टरको डिग्री प्राप्त गर्छे
डिस्नरी ___एक एस्तो स्थान जहाँ बिबाह (marriage) भन्दा छोटपत्र (divorce) अगाडी आउँछ ।
क्लासिक ___एक यस्तो किताब जस्को तारीफ सबैले गर्छन तर कसैले पढ्दैनन्
एटम बम ___एक यस्तो खोज हो जसले आजसम्म गरेका सबै खोजलाइ समाप्त गर्न सक्छ ।
कन्जुस ___ एक यस्तो ब्यक्ती जो मरेपछी धनी कहलाउनलाइ जिन्दगीभर गरीब भएर बाँच्दछ
बाबु ___ प्रकृती द्दारा दिएको बैकको सुविधा
हाकीम ___ त्यो दिन अफीस समय भित्र आइपुग्छ जुनदिन हामीहरु अफीस पुग्न ढिलो हुन्छौ र त्यो दिन अफीस आउन ढिलो गर्छ जुनदिन हामीहरु समयमै अफिस पुगेका हुन्छौं ।
नेता ___एक यस्तो ब्यक्ती जो चुनाव भन्दा अगाडी हाम्रो अगाडी हात जोड्दै आउँछ र चुनाब पछी हामीले हात जोड्दै जानुपर्छ

संसारका नाम चलेका एकसय शहरहरु

आकाशबाट काठमाण्डौको दृष्य एकपटक प्लेन चढ्दा हेर्ने सौभाग्य मिलेको थियो र आज दोस्रोपटक wikimapiaको सहायताले गर्दा हेर्ने मौका मिल्यो तर यसपाली चाँही काठमाण्डौ मात्र हैन आफुलाइ हेर्नेमन लागेका संसारका हरेक कुना कुना हेरें । wikimapia म्यापले दिएको स्याटलाइटबाट खिचेको तस्वीरहरु खै किन हो अन्य स्थानको भन्दा नेपालको केहि धमीले छ तर जुम गरेर हेर्दै गयोभने आफ्नो घर पनि पत्तालगाउन खासै गाह्रो नपर्ने रहेछ । लगभग पन्ध्र मिनेटको खोजीकार्य पश्चात मैले आफ्नो घर पत्ता लगाएँ र उक्त घरलाइ देवदासको घर भनेर लेखीपनि हाँले तर यसरी ब्यक्तीगत घर हरुलाइ wikimapiaले चाँही नलेख्न भनेको छ । यदी तपाइँलाइ आफ्नो घर अथवा कुनै स्थाको तस्वीर हेर्ने मन छ भने wikimapia मा क्लिक गरेर खोज्नसक्नुहुन्छ । आफ्नो घर तथा वरीपरीका कुनै प्रसीद्द स्थानहरु छन भने तपाँइ आफैले उक्त स्थानलाइ सो म्यापमा थप्न सक्नुहुन्छ र उक्त म्यापलाई आफ्नो ब्लग तथा वेभसाइटमा राख्नपनि सक्नुहुन्छ ।

बाँकी अरुकेही तस्वीरहरु भित्र छन । हेर्ने हो भने अलीकती प्रतिक्षा चाँही गर्नुपर्छ नि कीनकी यो पेज खुल्न केहि समय लाग्छ । । (more…)